Անի Անտոնյան Կինո

Կյանք, կինո, կռիվ

02.10.2020

«Դրախտի դարպասը» ֆիլմն առիթ է տվել մշակույթի ոլորտի ներկայացուցիչների դժգոհությանը։ Գերեվարված և անհայտ կորած ֆոտոլրագրող Էդգար Մարտիրոսյանին ֆիլմում մարմնավորած դերասան, բեմադրիչ Արմեն Սարգսյանը նշում է, որ թեև սյուժեի առանցքում իր հերոսի պատմությունն է, սակայն ֆիլմն իրականում սիրային դրամա է։ Այստեղ չկա հակամարտության միակողմանի լուսաբանում, քարոզչություն, բռնության տեսարաններ, պատմական փաստերի հիշատակում։ Ամեն ինչ ներկայացված է դիտորդի, այս դեպքում՝ հակամարտության գոտի եկած արտերկրացի լրագրողի աչքով։ Ի հակադրություն՝ դերասանը մատնանշում է Ջիվան Ավետիսյանի մեկ այլ հայտնի ֆիլմ՝ «Թևանիկը», որը կոնկրետ պատմում է Ղարաբաղյան պատերազմի և ընտանիքների կյանքում պատերազմի կործանիչ ազդեցության մասին։ «Երբ որևէ մշակութային ստեղծագործություն ներկայացվում է միջազգային փառատոնի, դա մեր երկրի, բոլորիս հաղթանակն է։ «Դրախտի դարպասը» ֆիլմի դեպքում կա ռուսական կողմից ակնհայտ խտրականություն՝ պայմանավորված արտաքին քաղաքական իրադարձություններով։ Ֆիլմը մոսկովյան կինոփառատոնի ծրագրից հանելու որոշումը չլսված բան է: Տեսնելով, թե ինչպես է Ադրբեջանը գումարով տարբեր տեսակի հարցեր լուծում, կարող ենք ասել, որ ֆիլմի վերաբերյալ ռուսների կայացրած որոշումը ոչ միայն քաղաքական ենթատեքստ ունի, այլև, միգուցե, ֆինանսական պատճառներ։ Այսպես է մշակույթը կորցնում իր արժեքը»,- նշում է Արմեն Սարգսյանը։
Անի Անտոնյան

No Comments

Leave a Reply