Չորս փաստ Մերիլ Սթրիփի մասին, որ դուք հավանաբար չգիտեք
Շատ քիչ դերասաններ են ունեցել այնպիսի ազդեցություն, ինչպիսին Մերիլ Սթրիփը։ Իր կարիերայի ընթացքում Սթրիփը ներկայացել է բոլոր ժանրերում՝ սկսած սրտաճմլիկ դրամաներից ու բարձրակարգ մյուզիքլներից, մինչև կենսագրական ֆիլմեր։ Շատ քիչ դերասաններ կարող են ասել, որ խաղացել են վհուկ, վարչապետ, շեֆ-խոհարար ու փախստական, և այնուամենայնիվ, Սթրիփն արել է այդ ամենը և նույնիսկ՝ ավելին։
Նրան բարձր են գնահատել Հոլիվուդի մեծագույն լեգենդները, «Ջիմ Հենսոն» ընկերության բնորոշմամբ՝ նա միակն է իր տեսակի մեջ։
Նրա պատվին տիկնիկ կա։
Կան բազմաթիվ հանգրվաններ, որոնց դերասանը կարող է ձգտել իր կարիերայի ընթացքում: Դրանցից մի քանիսը՝ «Օսկար» մրցանակ կամ աստղ «Հոլիվուդյան փառքի ծառուղում», որոշ չափով հանրահայտ են։ Բայց անսովոր է, երբ մարդու անունով տիկնիկ են ստեղծում, մի բան, որ եղավ Մերիլ Սթրիփի դեպքում։ «Սեզամ փողոց» հաղորդաշարի (1987թ.) մի էպիզոդում ներկայացվեց հմայիչ, մանուշակագույն կոպերով, գանգուր, շագանակագույն մազերով Մերիլ Գառնուկը, որն ստեղծվել էր՝ ոգեշնչված Մերիլ Սթրիփի կերպարից։
Նա չի ստացել է մի դեր, որի լսումներին մասնակցել է չորս անգամ։
Անհնար է անտեսել Մերիլ Սթրիփի դերասանական տաղանդը։ Նրա երիտասարդ տարիների դերասանության ուսուցիչը մի անգամ ասել է, որ ինքը շատ քիչ բան է սովորեցրել նրան, հիմնականում Մերիլն ինքնուրույն է սովորել։ Զարմանալի չէ, որ Սթրիփը մեծ հաջողությունների է հասել և հազվադեպ է փոխել դերը։
Անսովոր է լսել, որ Սթրիփը ձախողել է դերը՝ չորս անգամ փորձելուց հետո։
Հաջողությունների և անհաջողությունների այսպիսի հարաբերակցությունը կարիերայի առաջին իսկ տարիներին նրան դարձրին Հոլիվուդի ամենահզոր ուժերից մեկը։
Նրա առոգանության հմտությունները հայտնի են։
Մերիլ Սթրիփը առանձնանում էի իր առոգանությամբ։ «Երկաթե տիկին» ֆիլմում Մարգարետ Թետչերի կտրտված անգլերենը արտաբերելիս (այլ դերերի պարագայում ևս) նրա ձայնի ճշգրտությունը բավական էր, որպեսզի խաբի լեզվի կրողներին։
Մերիլ Սթրիփը երկու լեզու է սովորել՝ «Սոֆիի ընտրությունը» ֆիլմում գլխավոր դերը խաղալու համար։ Սովորել է լեհերեն և գերմաներեն, որպեսզի համոզված լինի, որ կարող է արժանապատվորեն կատարել դերը։ Սթրիփի նվիրվածությունը փոխհատուցվեց. «Սոֆիի ընտրություն»-ում խաղը նրան «Օսկար» բերեց և դարձավ իր կարիերայի ամենահիշվող պահերից մեկը։
Նա արժանացել է Ամերիկայի քաղաքացիական բարձրագույն պարգևին։
Մերիլ Սթրիփը շատերի կուռքն է։ Իր հերթին նա հիացմունքով է արտահայվում այն դերասանների, ռեժիսորների և պրոդյուսերների մասին, որոնց հետ աշխատել է։
ԱՄՆ-ի նախկին նախագահը՝ Բարակ Օբաման, պնդում է, որ Սթրիփի երկրպագուներից է։ Ավելին, Օբաման Մերիլ Սթրիփին 2014-ին պարգևատրել է Ազատության նախագահական մեդալով , որը քաղաքացիական անձին տրվող բարձրագույն պարգև է։ Վատ չէ։
Անգլերենից փոխադրեց Իսրայել Ասրյանը
Աղբյուր՝ eightieskids.com
No Comments