Շռայլ տաղանդներով օժտված անհատը՝ Անտոնիո Բանդերասը, նվաճեց ոչ միայն հարազատ Իսպանիան, այլև Հոլիվուդը։ Երաժշտություն, երգ, կինո, այս բոլոր ոլորտներում նա լավագույնս դրսևորեց իրեն՝ դառնալով միլիոնավոր մարդկանց կուռքը։ Շատերը փորձեցին կրկնօրինակել նրա անկրկնելի ոճը։ Այնուամենայնիվ, Բանդերասի հմայքը նրա բնատուր շնորհքն է, ինչն էլ նրան հետաքրքիր է դարձնում։
1․ Անտոնիոյի իսկական ազգանունը Պրիետո է։ Բանդերան նրա մոր օրիորդական ազգանունն է, և նա, անվան վերջում «ս» ավելացնելով, օգտագործում է դա որպես կեղծանուն։ Իսկ նրա անունն իրականում Անտոնիո չէ, այլ Խոսե։
2․ Սկզբում նա օգտագործում էր «Անտոնիո Աբասկալ» կեղծանունը։
3․ Ապագա աստղը մանկուց, ինչպես և շատ այլ իսպանացի տղաներ, երազում էր ֆուտբոլիստ դառնալ։
4․ Դերասան դառնալու ցանկությունն առաջացավ 16 տարեկանում՝ «Մազեր» մյուզիքլը դիտելուց հետո։
5․ Առաջին անգամ Բանդերասը էկրանին հայտնվեց հեռավոր 1982 թվականին՝ խաղալով իսպանական «Կրքերի լաբիրինթոս» ֆիլմում։
6․ Որոշակի ժամանակահատվածում նա շրջագայում էր Իսպանիայում՝ իր հիմնած թատրոնի հետ։
7․ Անտոնիո Բանդերասը սկսեց Հոլիվուդը նվաճել ոչ թե կինոյի շնորհիվ, այլ գովազդի։ Նա ջինսեր էր գովազդում։
8․ Երբ Բանդերասը ԱՄՆ տեղափոխվեց, ոչ մի անգլերեն բառ չգիտեր։ Իր առաջին արտասահմանյան ֆիլմի դերը նա անգիր սովորեց, որովհետև ընդհանրապես չէր հասկանում, թե ինչ է խոսում։
9․ Բանդերասը մեծ համբավ ձեռք բերեց «Հարցազրույց վամպիրի հետ» ֆիլմով։
10․ Անտոնիո Բանդերասը կինոարտադրության իսկական հսկա է։ Նա և՛ նկարահանվում է, և՛ մուլտֆիլմեր է ձայնավորում, ինչպես նաև հանդես է գալիս որպես պրոդյուսեր և ռեժիսոր։
11․ Դերասանը բավականին չշփվող է։ ԱՄՆ-ի Կոլորադո նահանգի Ասպեն էլիտար լեռնադահուկային առողջարանում նա միանգամից երկու հարակից տներ է գնել, որ հարևաններ չունենա։
12․ Անտոնիո Բանդերասի երեխաները դպրոցում սովորելու տարիներին ոչ մեկին չէին ասել, թե ով է իրենց հայրը։ Այդ պատճառով նրա դստեր համադասարանցիներն ապշել էին՝ ավարտական երեկոյին տեսնելով հոլիվուդյան աստղին։
13․ Դերասանը տարված է գինեգործական արհեստով։ Այդ նպատակով նա հարազատ երկրում նույնիսկ խաղողի մեծ այգիներ է ձեռք բերել։
14․ Անտոնիո Բանդերասն ակտիվորեն զբաղվում է բարեգործությամբ և ՄԱԿ-ի Բարի կամքի դեսպան է։
15․ Օգտվելով իր հայտնիությունից՝ նա սեփական օծանելիքի գիծն է հիմնում։ Ի դեպ, կոմերցիոն առումով՝ բավականին հաջող։
16․ 2000 թվականին Հոլիվուդյան փառքի ծառուղում Բանդերասի անունով աստղ է բացվում։
17․ Կարիերայի սկզբում Բանդերասին երբեմն համասեռամոլ էին համարում։ Ինքը՝ դերասանը, այդ ասեկոսեների վրա միայն ծիծաղում է։
18․ Բանդերասի ծնողները, ինչպես իսպանացիների մեծ մասը, կաթոլիկ են։ Բանդերասն իրեն ագնոստիկ է համարում։
19․ Կնոջը՝ Մելանի Գրիֆիտին նա սիրահարվել է իրենց առաջին հանդիպումից վեց տարի առաջ, երբ նրան տեսել է էկրանին՝ «Վայրի հնարք» (1986) ֆիլմում։
20․ Անտոնիո Բանդերասի հասակը 175 սանտիմետր է, սակայն նա ցանկանում է ավելի բարձրահասակ երևալ, այդ պատճառով նախընտրում է բարձր կրունկներով կոշիկներ հագնել։
Անգլերենից թարգմանեց Իսրայել Ասրյանը
Աղբյուր՝ СтоФактов.рф
No Comments