Երաժշտական արդյունաբերության ամենահայտնի աստղերը օգոստոսի 27-ին հավաքվել էին Նյու Ջերսի նահանգի Նյուարք քաղաքում՝ մասնակցելու MTV-ի մրցանակաբաշխությանը (MTV Video Music Awards 2019): Այստեղ էին Թեյլոր Սվիֆթը, Շոն Մենդեսը, Միսսի Էլիոթը, Քարդի Բին, Մարկ Ջեյկոբսը և այլք:
Այս տարվա տոնակատարությունը վարում էր Սեբաստիան Մանիսկալկոն, որը հայտնի էր այնքան, որ «Ո՞վ է Սեբաստիան Մանիսկալկոն» հարցը ամենաորոնվածն էր Google-ում:
Երեկոն բացեց Թեյլոր Սվիֆթը իր You Need To Calm Down («Դու հանդարտվելու կարիք ունես») երգով: Բեմը լի էր կաթնագույն հագնված պարողներով և «սնդուսափայլ» թագուհներով: Սվիֆթը ներկայացրեց նաև իր նոր Lover («Սիրահարը») երգը:
Լիլ Նաս Իքսը զվարճացնում էր մարդկանց իր «Հին քաղաքի ճանապարհը» (Old Town Road) ռեմիքսների շարքով: Ապա նա որոշեց ուղիղ եթերում կատարել իր թիվ 3162 ռեմիքսը և Panini («Պանինի») երգը:
Շոն Մենդեսը և Կամիլա Կաբելյոն կատարեցին իրենց Señorita («Սենիորիտա») հիթ սինգլը: Բեմը պատված էր մոմերով կամ մոմանման լույսերով, ինչը համահունչ էր երգի տրամադրությանը:
Բեդ Բաննին (թարգմանաբար՝ վատ նապաստակ) և Ջեյ Բելվինը, օգտագործելով համակարգչային անիմացիա, ներխուժել էին Սուպեր Մարիոյի աշխարհ: Այնտեղ նրանք երգում էին Que Pretendes երգը՝ նավարկելով պարող աստղերի, դինոզավրերի և կակտուսների միջով:
Բացակա Արիանա Գրանդեն և Բիլլի Այլիշը դարձան միջոցառումն անտիշոուի վերածողները: Չնայած դրան` Գրանդեն ստացավ տարվա լավագույն կատարող մրցանակը, իսկ Այլիշը դարձավ Լավագույն նոր արտիստ անվանակարգի դափնեկիրը:
Գլխավոր մրցանակը նվաճեց Թեյլոր Սվիֆվթը You Need To Calm Down («Դու հանդարտվելու կարիք ունես») երգով: Տեսաավանգարդ անվանակարգի հաղթողն էր Միսսի Էլիոթը, իսկ Լիլ Նաս Իքսը՝ «Հին քաղաքի ճանապարհը» (Old Town Road) ստեղծագործությամբ առաջինն էր Տարվա լավագույն երգ անվանակարգում:
Նյութի աղբյուր՝ https://time.com/5661499/mtv-video-music-awards-2019-weirdest-wildest-best-moments/
Լուսանկարը՝ interfax.ru-ի
Անգլերենից փոխադրեց Դավիթ Մովսիսյանը
No Comments