Ամանորը նկարած մարդը

Խորհրդային նկարիչ-մուլտիպլիկատոր Վլադիմիր Իվանովիչ Զարուբինը (1925-1996) 25 տարի աշխատել է «Союзмультфильм» ստուդիայում։ Նա մասնակցել է բոլորի կողմից սիրված այնպիսի մուլտֆիլմերի ստեղծմանը, ինչպիսիք են «Մաուգլին», «Բրեմենյան երաժիշտների հետքերով», «Սալթան թագավորի մասին հեքիաթը» ( 98 մուլտֆիլմ)։ Բացի այդ, Վլադիմիր Զարուբինը նկարիչ-իլյուստրատոր էր, նկարներ էր ստեղծում փոստային բացիկների համար։

Նկարչի ոճը ուրիշի հետ չես շփոթի։ Ամանորյա բացիկների հերոսներն են ուրախ կենդանիները, Ձմեռ պապն ու Ձյունանուշը, մանուկները։ Նրա բացիկներն աներևակայելի բարի ու դրական են, այդ պատճառով  էլ՝ շատ սիրելի։ Բացիկների հավաքորդները միշտ բարձր են գնահատել դրանք։ Տասնամյակների աշխատանքի արդյունքում նրա նկարներով լույս են տեսել ավելի քան 1,5 միլիարդ բացիկ և ծրար։

Ի դեպ, եթե փնտրելու լինենք, հավանաբար ԽՍՀՄ- ում ծնված յուրաքանչյուր մարդ ինչ- որ տեղ կապոցով կամ ալբոմի մեջ կունենա հիանալի նկարչի ստեղծագործություններից։ Նրա աշխատանքներն այնքան ճանաչելի են, որ ստորագրության կարիք չունեն։

Փոխադրեց Իսրայել Ասրյանը

Աղբյուր՝․ allforchildren.ru