Փաստեր  Ջուլիա Ռոբերթսի՝ գեղեցիկ ժպիտով դերասանուհու մասին

Ջուլիա Ռոբերթսը ավելի քան երեք տասնամյակ գտնվում է իր փառքի գագաթնակետում։ Նա Հոլիվուդի ամենահայտնի և ամենաբարձր վարձատրվող աստղերից  է։  Նրա կյանքը լի է բազմաթիվ իրադարձություններով։ Ներկայացնում ենք դրանցից մի քանիսը.

1. Ապագա աստղի ծնողները հետաքրքրվում էին դերասանական վարպետությամբ, բայց այդ ասպարեզում  նկատելի հաջողությունների չեն հասել։

2. Դերասանուհին ունի շոտլանդական, իռլանդական, շվեդական, գերմանական և անգլիական արմատներ։ 

3. Ջուլիա Ռոբերթսը սկսել է աշխատել  որպես   մատուցողուհի  տեղի փոքրիկ պիցցերիայում, երբ դեռ 13 տարեկան էր:

4. Դպրոցում նա կլառնետ և հոբոյ է նվագել, սակայն հետագայում հրաժարվել է այդ զբաղմունքից:

5. Համալսարանն ավարտելուց հետո  տեղափոխվել է  Նյու Յորք: Այստեղ հաճախել է դերասանական վարպետության դասերի և միաժամանակ աշխատել է:

6. Ջուլիա Ռոբերթսի ավագ քույրն ու  եղբայրը նույնպես դերասաններ են։

7. Ջուլիան առաջին անգամ էկրանին հայտնվել է «Արյան պես կարմիր» ֆիլմում։ Նրա դերը շատ փոքր էր. ընդամենը երկու բառ։

8. Նա սիրում է Հնդկաստանը և դավանում է հինդուիզմ։

9. Դերասանուհու  մանկության երազանքն էր անասնաբույժ դառնալ, բուժել կենդանիներին։

10. «Էրին Բրոկովիչ» դրամայում գլխավոր դերակատարման համար Ջուլիա Ռոբերթսն արժանացել է ոչ միայն «Օսկարի», այլև «Ոսկե գլոբուսի», որը, ի դեպ, երկրորդն է իր մրցանակների հավաքածուում։

11. Նա խոստովանել է, որ երկար ժամանակ չի կարողացել ազատվել եղունգները կրծելու վատ սովորությունից։ Միայն թե նա կրծում էր ոչ թե ձեռքերի, այլ ոտքերի եղունգները։ Ա~յ քեզ ճկունություն։

12. Նրա իսկական անունը Ջուլի է,  ոչ թե Ջուլիա։ Ավելի ճիշտ՝ այդպիսին էր, բայց ԱՄՆ-ի դերասանների գիլդիային միանալիս հարկադրված էր փոխել,  քանի որ արդեն կար ոմն «Ջուլի Ռոբերթս»։

13. «Մոնա Լիզայի ժպիտը» ֆիլմում  խաղացած դերի համար նրան վճարեցին 25 միլիոն դոլար։ Այսպիսով՝ նա դարձավ Հոլիվուդի առաջին դերասանուհին, որը մեկ դերի համար նման ահռելի հոնորար է ստացել։

14. Ջուլիա Ռոբերթսն առաջին անգամ ներկայացվել է «Օսկարի», երբ ընդամենը 23 տարեկան էր։

15. Հայտնի «People» ամսագիրը նրան տասներկու անգամ անվանել է «Մոլորակի ամենագեղեցիկ կինը»։

16. Դերասանուհին ձախլիկ է։ Հոլիվուդում զարմանալիորեն շատ են ձախլիկները, օրինակ՝ Թոմ Կրուզը, Կիանու Ռիվզը։

17. Մի անգամ նա քիչ էր մնում ամուսնանար Կիֆեր Սաթերլենդի հետ, բայց հարսանիքից երեք օր առաջ փախչում է նրանից՝ ցնցելով իր բոլոր ընկերներին ու ծանոթներին։

18. Ազատ ժամանակ Ջուլիա Ռոբերթսը սիրում է գործել։

19. Շպարվելիս դերասանուհին նախընտրում է ոչ թե նստել, այլ պառկել մեջքի վրա՝ պնդելով, որ այս դեպքում վերջնական արդյունքն ավելի լավ է լինում։

20. Ջուլիան սիրում է ոտաբոբիկ քայլել. հաճախ պաշտոնական միջոցառումներին ներկայանում է առանց կոշիկի։

Պատրաստեց Իսրայել Ասրյանը