Առցանց նախագծերը համալրվել են ևս մեկով: ԿԳՄՍ նախարությունը և Սոս Սարգսյանի անվան Համազգային պետական թատրոնը ներկայացնում են «Առականի» նախագիծը: Թատրոնի գեղարվեստական ղեկավար, վաստակավոր դերասանուհի Նարինե Գրիգորյանը վաղուց էր մտածել այս մասին, առակներն ընտրել էին, ձևաչափը՝ դեռ ոչ: Համավարակը, սակայն, թելադրեց և՛ ձևը, և՛ օր առաջ նախագիծը սկսելու անհրաժեշտությունը: Դերասանները, միմյանցից սահմանված հեռավարությունը պահպանելով, պատմում են առակներ ու սպասում հանդիսատեսի մեկնաբանություններին: Լավագույն մեկնաբանության հեղինակը կստանա Համազգային թատրոնի առաջիկա ներկայացման տոմս:
Նարինե Գրիգորյանը հույս է հայտնում, որ առաջիկան չի ուշանա: Ուշագրավ մի տեղեկություն ևս. մարտ ամսին հետաձգված ներակայացումների նախապես վաճառված տոմսերից միայն մեկն է վերադարձվել: Թատերասերները ներկայացումները կդիտեն արտակարգ դրության ավարտից հետո:
Ardi.am
No Comments