Կոմիտասի և Հովհաննես Թումանյանի ծննդյան 150-ամյակներին նվիրված հոբելյանական հանդիսությունների շրջանակում «Գառնի» պատմամշակութային արգելոց-թանգարանում տեղի ունեցավ հոբելյանական համերգ՝ Հայաստանի պետական կամերային երգչախմբի, «Հովեր» պետական կամերային երգչախմբի , Պետական կամերային նվագախմբի և մենակատարների մասնակցությամբ:
![](http://ardi.am/wp-content/uploads/2019/07/67170808_2547366045284528_6286545426451529728_o-1-1024x705.jpg)
Համերգի առաջին բաժինը ղեկավարեց Հայաստանի պետական կամերային երգչախմբի գեղարվեստական ղեկավար և գլխավոր դիրիժոր Ռոբերտ Մլքեյանը, իսկ երկրորդ բաժինը ղեկավարեց Հայաստանի պետական կամերային նվագախմբի գեղարվեստական ղեկավար և գլխավոր դիրիժոր Վահան Մարտիրոսյանը:
![](http://ardi.am/wp-content/uploads/2019/07/5-1024x658.jpg)
Ներկայացվեցին Կոմիտասի թե՛ հայտնի, թե՛ այսօր արդեն մոռացության մատնված գործերը:
![](http://ardi.am/wp-content/uploads/2019/07/66590975_2547365225284610_767323871962464256_o-2-878x1024.jpg)
Թումանյանին նվիրված բաժնում ներկայացվեց հայ կոմպոզիտորների Թումանյանի բառերով գրված մեներգեր, ռոմանսներ, խմբերգեր:
![](http://ardi.am/wp-content/uploads/2019/07/67369012_2547365968617869_3527206359575560192_o-1-1024x800.jpg)
Գառնի տաճարի մոտ կայանալիք համերգը սկսվեց մութն ընկնելուն պես:
![](http://ardi.am/wp-content/uploads/2019/07/3-1024x683.jpg)
Էկրաններին՝ Թումանյանին, Կոմիտասին առնչվող հետաքրքիր նյութեր էին:
![](http://ardi.am/wp-content/uploads/2019/07/11111-1024x695.jpg)
Համերգն անցկացվել է Կամերային երաժշտության ազգային կենտրոնի նախաձեռնությամբ և ՀՀ կրթության, գիտության, մշակույթի և սպորտի նախարարության աջակցությամբ:
Լուսանկարները՝ Թագուհի Ասլանյանի
No Comments