Կոմպոզիտոր, դիրիժոր, երաժշտական պրոդյուսեր Անդրանիկ Բերբերյանի հեղինակած երաժշտությամբ միանգամից երեք ֆիլմ ներառված էր այս տարի հոկտեմբերի 22-28-ն անցկացվող «ՌեԱնիմանիա» անիմացիոն ֆիլմերի և պատկերապատման արվեստի միջազգային 15-րդ փառատոնի ծրագրում։
Մասնավորապես, փառատոնի շրջանակում ցուցադրվել և տարբեր ծրագրերում ընդգրկված են եղել Բերբերյանի երաժշտությամբ «Ավրորայի լուսաբացը» (ռեժիսոր՝ Իննա Սահակյան), «Սևանիկ» (ռեժիսոր՝ Հարություն Թումաղյան), «Վերադարձ դեպի ռոք» (ռեժիսոր՝ Գոռ Ենգոյան) անիմացիոն ֆիլմերը։
![](http://ardi.am/wp-content/uploads/2023/10/1-1-1-1024x576.jpg)
«Որպես կոմպոզիտոր՝ ինձ համար մեծ պատիվ է, որ նման բարձր կարգի միջազգային կինոփառատոնում ներկայացված է իմ երաժշտությամբ միանգամից երեք կինոնկար։ Փառատոնը, որը նվիրված է նաև հայկական անիմացիայի և հայ կինոյի հոբելյաններին, լավ հարթակ է ներկայացնելու անիմացիոն ոլորտի արդի զարգացումները։ Որպես կոմպոզիտոր՝ մշտապես մեծ հետաքրքրություն եմ ցուցաբերել անիմացիոն ֆիլմերի նկատմամբ և բոլորովին այլ մոտեցում՝ անիմացիոն ֆիլմի համար երաժշտություն ստեղծելու համատեքստում։ Ուրախ եմ, որ ցուցադրություններին հանդիսատեսը մեծ ուշադրություն է դարձրել ոչ միայն ֆիլմերին, այլ նաև երաժշտությանը»,-նշում է Անդրանիկ Բերբերյանը, ով ընդգծում է, որ մեկ այլ անիմացիոն ֆիլմի համար այս պահին երաժշտություն է գրում։
Հավելենք, որ 3 ֆիլմերի հնչյունային հետարտադրական աշխատաները կատարվել են Berberyan Production Studios-ում:
![](http://ardi.am/wp-content/uploads/2023/10/1-3-1024x1024.png)
Նշենք, որ Անդրանիկ Բերբերյանը հեղինակել է ﬕ շարք հայտնի ֆիլﬔրի երաժշտություն «Արմատներ» (2016թ.), «Կյանք ու կռիվ», «Կյանք ու կռիվ 2» (2017թ.), «Էրկեն կիշեր» (2018թ.), «Կաֆկայի երազը» (2020), «Սողոմոնի երգերը» (2020թ.), «Ավրորայի Լուսաբացը» (2022), «Ամերիկացի» (2022), «Nowhere» (2023) և այլն:
Հեղինակել է երաժշտություն տարբեր ժանրերի ավելի քան 30 ֆիլմերի համար։ Հեղինակել է երաժշտություն նվագախմբերի, անսամբլերի և սոլո երաժշտական գործիքների համար։
No Comments