«Արմմոնո» 18-րդ միջազգային թատերական փառատոնի ներկայացումները կանցկացվեն բացօթյա, կցուցադրվեն նաև առցանց՝ միաժամանակ ուղիղ հեռարձակմամբ։ Բացումը նախատեսված է օգոստոսի 1-ին՝ վաստակավոր արտիստ Նարինե Գրիգորյանի «Գոմեշը» մոնոներկայացմամբ (ըստ Հ. Մաթևոսյանի):
«Արմմոնոն» այս տարի նվիրվում է Հրանտ Մաթևոսյանի 85-ամյակին։ Փառատոնի շրջանակում կցուցադրվի 20 մոնոներկայացում, որոնցիցի մեկը՝ մանկական։ Փառատոնին մասնակցում են դերասաններ Նարեկ Բաղդասարյանը, Լիլյա Մուկուչյանը, Նաիրա Եդիգարյանը, Դավիթ Աբրահամյանը և այլք։ Հասկանալի պատճառներով՝ արտերկրից դերասաններ չեն հյուրընկալվի։ Փառատոնի տնօրեն Մարիաննա Մխիթարյանի ընդգծել է, որ համապատասխան թույլտվություն ստանալուց հետո, ներկայացումները կցուցադրվեն «Մոսկվայի տուն» մոսկովյան մշակութագործարարական կենտրոնի և Զուլում և Մուշեղ Գրիգորյանների արվեստանոցի բացօթյա տարածքներում, ինչպես նաև Թիվ 15 սրճարանում:
«Արմմոնո» միջազգային թատերական փառատոնը կհյուրընկալվի նաև Վանաձորում: Հ. Աբելյանի անվան թատրոնի բացօթյա տարածքում նախատեսված է երկու մոնոներկայացման ցուցադրություն՝ ժողովրդական արտիստ Հակոբ Ազիզյանի, վաստակավոր արտիստ Մայիս Սարգսյանի մասնակցությամբ:
Նշենք, որ փառատոնը կանցկացվի ԿԳՄՍ նախարարության աջակցությամբ:
No Comments