«Չառլիի հրեշտակները» ֆիլմի ռեժիսոր Էլիզաբեթ Բենքսը կլինի «Անտեսանելի կինը» ֆիլմի և՛ ռեժիսորը, և՛ գլխավոր դերակատարը։ Ի սկզբանե՝ «Անտեսանելի մարդ» կերպարը հավակնում էր լինել «Խավար տիեզերքի» մասը, սակայն ծրագրերը փոխվեցին, երբ «Մումիա» ֆիլմաշարը ուղարկվեց կինոշուկա։
«Տիզերքի» համատեքստում Universal-ը որոշեց ստեղծել առանձին ֆիլմ՝ «Անտեսանելի մարդը»՝ Էլիզաբեթ Մոսսի դերակատարմամբ (ռեժիսոր` Լի Ուոննելի)։ «Անտեսանելի մարդը» շեղվում է բնօրինակ պատմությունից՝ շեշտը դնելով Մոսսի տեսանելի կերպարի վրա, որը հասկանում է, որ իրեն հետևում է հայտնի չարագործը։ Կլոդ Ռեինսի դերակատարմամբ առաջին «Անտեսանելի մարդը» (Հերբերտ Ուելսի նովելի էկրանավորումը) պատմում էր մի գիտնականի մասին, որն ինքն իրեն անտեսանելի դարձրեց և արդյունքում խելագարվեց։ Ֆիլմը շարունակություն սատացավ 1940-ին՝ «Անտեսանելի կնոջ» տեսքով։ Գլխավոր դերում Վիրջինյա Բրյուսն էր, որը խաղում էր գիտնականի մոտ կամավոր աշխատանքի ընդունված և անտեսանելի դարձած մոդելի դերը։
Universal-ը գլխավոր դերի և ֆիլմը ղեկավարելու համար հրավիրեց Բենքսին, իսկ «Աղջիկը գնացքումի» հեղինակ Էրին Կրեսսիդա Ուիլսոնը գրեց նախատեսված ֆիլմի սցենարը։
Կինոշուկայում «Չառլիի հրեշտակները» ֆիլմի ձախողումից հետո հաճելի է, որ Universal-ը Բենքսին հնարավորություն է տալիս մեծ դրամային պոտենցիալ ունեցող ժանրային ֆիլմ նկարելու։
Նյութի աղբյուր՝ screenrant.com
Լուսանկարի աղբյուր՝ nytimes.com
Անգլերենից փոխադրեց Իսրայել Ասրյանը
No Comments