«Եվրազիա Դոկ» կինոփառատոնում երիտասարդ ռեժիսոր Մանե Բաղդասարյանի (Մանե) «Ադապտացիա» ֆիլմը (պրոդյուսեր՝ Արարատ Գրիգորյան) արժանացավ ժյուրիի հատուկ մրցանակին։
-Անհնար է բառերով նկարագրել այն հույզերը, որ ունեցել եմ այս մի քանի օրվա ընթացքում: «Եվրազիա Դոկ» կինոփառատոնը լավագույններից է մեր տարածաշրջանում: Մրցույթը անցկացվեց միայն հետխորհրդային երկրների միջև: Մասնակցում էին լավագույն մասնագետները մեր տարածաշրջանից,- ասում է Մանեն:
Մինսկի կինոփառատոնը փակվեց «Ադապտացիա» ֆիլմով: Հանդիսատեսի արձագանքը բուռն էր, դրական:
-Ինձ համար շատ ավելի կարևոր էր հանդիսատեսի արձագանքը: Մինսկում «Ադապտացիան» առաջին անգամը չէ, որ ցուցադրվում է, կային մարդիկ, որ արդեն տեսել էին ֆիլմը: Այն դիտելու էին եկել նաև Բելառուսում ապրող մեր հայրենակիցները, ինչն ինձ շատ ուրախացրեց: Բայց և հաճելի է այլազգի հանդիսատեսին ներկայացնել ֆիլմ քո քաղաքի մասին, գեղեցիկ տպավորություններ փոխանցել Երևանի մասին: Նույնիսկ ինձ խոստացան այցելել Երևան, տեսնել ամենավառ քաղաքը:
Շուտով Մանեն «Ճայը» ֆիլմով կմասնակցի կինոփառատոների Սոչիում, Ռիո Դե Ժանեյրոյում, Պադովայում և այլուր:
Ardi.am
No Comments