«Հարություն»-ը ֆիգուրատիվ և վերացական նկարչության յուրահատուկ երկխոսություն է (ցուցահանդես) Վոզգես երկրամասի Սանթ-Դիէ քաղաքում, որտեղ առաջին անգամ գծվել է Ամերիկա մայրցամաքի քարտեզը։ Առաջին անգամ նոր հայտնաբերված մայրցամաքը անվանվեց Ամերիկա (Ամերիգո Վեսպուչչիի պատվին, 1507թ․)։
Աշխարհագրության միջազգային փառատոնը արդեն 32 տարի կարևոր միջոցառում է այս խորհրդանշական քաղաքում։ Հոկտեմբերի 1-ին ուրբաթ օրը փառատոնի շրջանակներում տեղի կունենա նաև Ֆրանսիաբնակ, ծագումով հայ ռեժիսոր Նորա Մարտիրոսյանի՝ Արցախում, Շուշիում և Ստեփանակերտում նկարահանած «Երբ քամին հանդարտվի» ֆիլմի ցուցադրությունը (կներկայացնի Ֆրանսիաբնակ գյումրեցի գեղանկարիչ Արման Թադևոսյանը)։ Որից հետո կցուցադրվեն նաև ՀայԱր-ի պարկուճներից պատրաստված զարդերի հավաքածուն։
Փառատոնի շրջանակներում «Սեպագրապ» պատկերասրահը կներկայացնի Արման Թադևոսյանի գեղանկարչական աշխատանքները։ «Հարություն» կոչվող ցուցադրությունը ֆիգուրատիվ և վերացական նկարչության յուրահատուկ երկխոսություն է՝ ներշնչված հայկական լեռնաշխարհին բնորոշ յուրահատուկ կոլորիտով։ Ցուցահանդեսը կտևի մեկ ամիս՝ հոկտեմբերի 1-30-ը: Ցուցահանդեսին կներկայացվեն նաև ՀայԱր-ի 7 աշխատանք կախազարդեր, որոնք ներշնչված են Արման Թադևոսյանի մեծածավալ կոմպոզիցիաներից, ինչպիսիք են՝ Երրորդություն, Արտաքում, Ադամ և Եվա, Պար, Խաչելություն։
Ցուցահանդեսի պաշտոնական բացման արարողությունը՝ հոկտեմբերի 2-ին, շաբաթ երեկոյան, ժամը 18։00-ին։
No Comments