Սեպտեմբերի 14-ին՝ ժամը 19։00-ին, ՀԲԸՄ հայաստանյան ցուցասրահում տեղի կունենա Համազգային Հայ Կրթական և Մշակութային Միության «Լյուսի Թութունճեան» ցուցասրահի կողմից նախաձեռնած հայաստանցի, սփյուռքահայ, արաբ և եվրոպացի մի խումբ գեղանկարիչների և քանդակագործների հավաքական ցուցահանդեսը, որը նվիրված է Համազգայինի հիմնադրման 95-ամյա հոբելյանին։
![](http://ardi.am/wp-content/uploads/2023/09/375214977_986230305932640_6204999925139836087_n-1024x768.jpg)
![](http://ardi.am/wp-content/uploads/2023/09/374990810_621456496848115_2154343480390596462_n-729x1024.jpg)
Համազգային Հայ Կրթական և Մշակութային Միության «Վահե Սեթեան» հրատարակչատան և «Լյուսի Թութունճեան» ցուցասրահի տնօրեն Հակոբ Հավաթեանի հավաստմամբ այս ցուցահանդեսը կարևոր նշանակություն ունի, քանի որ կազմակերպվում է Համազգայինի 95-ամյակի հոբելյանական հանդիսությունների շրջանակում և Հայաստանի ցուցահանդեսին հաջորդելու է նույն ցուցադրությունը Լիբանանում։ Ցուցահանդեսին մասնակցության սկզբունքն այն է, որ անցնող 12 տարիների ընթացքում Համազգայինի հետ համագործակցած արվեստագետները մեկ հարկի ներքո ներկայաան իրենց աշխատանքներով։
![](http://ardi.am/wp-content/uploads/2023/09/375208630_2331507760572024_1046346970002134960_n-1024x683.jpg)
![](http://ardi.am/wp-content/uploads/2023/09/375199953_325167169884459_2764290170072050917_n-1024x683.jpg)
«Լյուսի Թութունճեան» ցուցասրահը հիմնվել է 2009 թվականին Համազգայինի«Վահե Սեթեան» հրատարակչատան նախաձեռնությամբ։ Անցնող 12 տարվա ընթացքում Ցուցասրահը կազմակերպել է 135 անհատական և հավաքական ցուցահանդեսներ, հյուրընկալել է Հայաստանից, Արցախից, Լիբանանից և Եվրոպայից հայ և մի շարք արաբ ու եվրոպացի արվեստագետների։
Հայաստանյան ցուցադրությունը կշարունակվի մինչև սեպտեմբերի 18-ը։
No Comments