Աշխարհահռչակ դիրիժոր Կոնստանտին Օրբելյանի ղեկավարությամբ՝ Կխունասի նշանավոր Զալգիրիս բեմահարթակում տեղի է ունեցել հայազգի օպերային երգչուհի Հասմիկ Գրիգորյանի և անվանի երգիչ Կարլ Մագնուս-Ֆրեդրիկսոնի մասնակցությամբ համերգ, որին ներկա է գտնվել 6000 հանդիսատես։ Մեզ հետ զրույցում մաեստրո Օրբելյանը նշեց, որ Հասմիկ Գրիգորյանի հետ նույն բեմում ներկայանալը մեծ բավականություն է․ «Ես Հասմիկին գիտեմ շատ վաղուց, քանի որ Գեղամ Գրիգորյանի ընտանիքի հետ մենք վաղեմի բարեկամներ ենք։ Ուրախ եմ, որ Հասմիկի հետ այսպիսի մեծածավալ համերգ ունեցանք։ Հուսամ՝ Հայաստանում նույնպես այս համերգային ծրագիրը ներկայացնելու առիթ կլինի»։
Ներկայումս Կ․ Օրբելյանը մեծածավալ աշխատանք է իրագործում Կաունասի թատրոնում՝ զուգահեռաբար կատարելով նաև Նյու Յորքի քաղաքային թատրոնի գեղարվեստական ղեկավարի և գլխավոր դիրիժորի աշխատանքը։ Իր ստեղծագործական գործունեության ընթացքում մաեստրոն պարբերաբար հայ արտիստների հետ է ելույթներ ունենում, իսկ Հասմիկ Գրիգորյանի հետ համագործակցությունն արդեն մի քանի տարվա պատմություն ունի։
Հիշեցնենք, որ Հասմիկ Գրիգորյանը մեծանուն օպերային երգիչ Գեղամ Գրիգորյանի դուստրն է։ Տարիներ առաջ, երբ Գեղամ Գրիգորյանի հիշատակին նվիրված համերգը տեղի ունեցավ Երևանում, Հասմիկ Գրիգորյանն աննկարագրելի կատարումը հայաստանյան հանդիսատեսն ընդունեց մեծ ոգևորությամբ։
No Comments