Նախառաֆայելական Քույրեր. Լոնդոնի Դիմանկարների ազգային պատկերասրահում վերջապես ուշադրության կենտրոնում են հայտնվել Նախառաֆայելական Եղբայրության հետևում կանգնած մեծ կանայք:
Այս բնորդուհին իր այրվող պղնձագույն մազերով, փափուկ շուրթերով ու բացակայող հայացքով կսողոսկի մտքերիդ մեջ։ Այս «հրաշալիքները» մենք ավելի լավ գիտենք, քան Ուիլյամ Հոլման Հանտի, Դանթե Գաբրիել Ռոսսետիի ու Ջոն Էվերետ Միլլեի ստեղծած կերպարները, քան արվեստի պատմությանը հայտնի ցանկացած այլ կնոջ։ Նախառաֆայելական որոշ նկարներում Քույրերը գլխավոր տեղ են զբաղեցնում, ու նկատվում է, որ ավելի հետաքրքիր անձնավորություններ են, քան կարող էր ենթադրվել: Նրանց կյանքը հյուսվում է անհասկանալի ու հաճախ սուր դրսևորումներով։ Նրանցից ոմանք ընկերներ էին, քույրեր, ոմանք մրցակցում էին սիրո մեջ, փոխարինում մեկ-մեկու՝ իբրև բնորդուհիներ:
Ցուցադրութան ժամանակագրությունը չի պահպանվել, ինչը կարող էր արտացոլել Եղբայրության վերելքն ու անկումը: Կտավները ցուցադրվում են առանձին բաժիններով, որոնց միջոցով կարելի է ծանոթանալ Քույրերին վերաբերող մանրակրկիտ դետալների։ Օրինակ՝ էվելին դե Մորգանը զբաղվում էր ոգեկանչությամբ, Մարի Ստիլմանը ասեղնագործում էր սեփական կոշիկները, Ֆաննի Կորնֆորտը, որ Բյորն Ջոնսի ու Ռոսսետիի համար էր աշխատում (որպես բնորդուհի), ավարտեց կյանքը Սասսեկսի կոմսության ապաստարանում։ Ցուցահանդեսում ներառված է չորս տարի առաջ գտնված հիվանդների գրանցման մատյանի էջը, որում նշված է 1907-ին նրա հոսպիտալացման մասին՝ դեմենցիա (թուլամտություն) ախտորոշմամբ։
Նյութի աղբյուր՝ telegraph.co.uk
Գլխավոր լուսանկարի աղբյուրը՝ Վիքիպեդիա
Անգլերենից փոխադրեց Իսրայել Ասրյանը
No Comments