Թագավորական հավաքածուների պատկերասրահ — այսպես է անվանակոչվել թանգարանը, որն իր դռներն է բացել հանրության առաջ հունիսի 28-ին, Մադրիդում: Այն գտնվում է Թագավորական պալատի և Ալմուդենայի տաճարի հարևանությամբ և ներկայացնում է ավելի քան 650 արվեստի գործ և տարբեր իրեր, որոնք պատկանել են Իսպանիայի թագավորներին՝ 15-20-րդ դարերի ընթացքում:
Արքայական կառքեր
![](http://ardi.am/wp-content/uploads/2023/07/karq-1-1024x696.jpeg)
![](http://ardi.am/wp-content/uploads/2023/07/karq-2-1024x576.jpeg)
Թանգարան անվճար այցելելու համար շուրջ 2800 մարդ նախապես հերթագրվել էր Ազգային ժառանգության կայքում։
Հավաքածուն ներկայացնող նկարիչների թվում առանձնանում են այնպիսի անուններ, ինչպիսիք են Վելասկեսը, Գոյան, Էլ Գրեկոն, Կարավաջոն, Մենգսը, Բերնինին: Գեղանկարչական աշխատանքների և քանդակների կողքին թանգարանում ցուցադրվում են գոբելեններ, դեկորատիվ արվեստի և զարդարվեստի նմուշներ, կառքեր, լուսանկարներ, գրքեր, զենքեր, երաժշտական գործիքներ։
Կիրառական արվեստի նմուշներ
![](http://ardi.am/wp-content/uploads/2023/07/kirarakan-1-1024x576.jpeg)
![](http://ardi.am/wp-content/uploads/2023/07/kirarakan-2-576x1024.jpeg)
Ինչպես և սպասվում էր, ցուցադրության զգալի հատվածը զբաղեցնում են Կրոնական պատկերագրությունը ներկայացնող ցուցանմուշները։ «Դոն Կիխոտի» առաջին մասը՝ տպագրված Մադրիդում, 605թ., Խուան դե լա Կուեստայի կողմից, մեկն է բազմաթիվ գրական գանձերից, որը պահվում է այստեղ:
Հնատիպ գիրք
![](http://ardi.am/wp-content/uploads/2023/07/gratputyun-1024x576.jpeg)
Գոբելեն աշխատանք
![](http://ardi.am/wp-content/uploads/2023/07/gobelen-576x1024.jpeg)
Սրահներում ցուցանմուշների դասավորությունը արված է ժամանակագրական սկզբունքով, ինչը օգնում է այցելուներին հետևելու, թե ինչպես են փոփոխվել յուրաքանչյուր դինաստիայի ճաշակն ու հետաքրքրությունները:
Արքայական տոհմի ներկայացուցչի քանդակ
![](http://ardi.am/wp-content/uploads/2023/07/qandak-1-576x1024.jpeg)
«21 — րդ դարի կեսերին այս շքեղ թանգարանի բացումը նպատակ ունի հասարակ մարդկանց համար հասանելի դարձնելու հանրային ժառանգությունը, ինչը եղել է իսպանական միապետների կողմից սերնդեսերունդ պահպանված թանկարժեք հարստություն»- նշել է իսպանացի գրող, Մադրիդի Կոմպլուտենսե համալսարանի պրոֆեսոր Էստրելլա Դիեգոն՝ El Pais կայքին տված հարցազրույցում:
Ողջ նախագիծի արժեքը կազմել է 172 մլն եվրո։ Դրա մեծ մասը՝ 139 մլն եվրոն, հատկացվել է շենքի կառուցմանը, գրեթե 18 մլն-ը ՝ թանգարանագիտությանը։ Թանգարանը բաղկացած է երեք ցուցահասրահից, որոնք կապվում են միմյանց հետ են թեքահարթակներով և վերելակներով։
«Թանգարանի կառուցումը վերջին տասնամյակների ընթացքում Իսպանիայում իրականացված ամենանշանավոր նախագիծն է: Այն անպատճառ կդառնա տեղացիների և զբոսաշրջիկների համար ցանկալի այցելության վայր,- նշել է Էստրելլա Դիեգոն, հավելելով, որ մինչ այս մայրաքաղաքում չկար նմանատիպ այլ միջավայր, որը հնարավարություն կտար մարդկանց առնչվելու մեծ վարպետների աշխատանքներին:
Իսպաներենից թարգմանությունը՝ Շուշան Ալեքսանյանի
Նորաբաց թանգարանի մասին որոշակի պատկերացում կարելի է կազմել՝ անցնելով հետևյալ հղումով՝ https://www.youtube.com/watch?v=gFb8EL-S4Mk&t=55s
Լուսանկարների հղումը՝
https://m.facebook.com/story.php?story_fbid=pfbid027uYeEgy7g6kKXJzL1MN89JMVbaaiqsFCsZkD1wfAkouKPXorWqGLKqrLsKwDtQ3Jl&id=100044367072174&mibextid=qC1gEa
Նյութի աղբյուր՝ https://rialta.org/galeria-de-las-colecciones-reales-el-nuevo-gran-museo-de-madrid/
No Comments