Վերջին շաբաթները Վենետիկում, Թելլուրայդում և Տորոնտոյում բավական ցնցող էին ֆիլմաշխարհի և Օսկարյան մրցավազքի համար: Կինոփառատոները ի հայտ բերեցին Նոա Բաումբախի «Ամուսնական պատմություն» (Marriage Story), կոմիքսային լեգենդի վրա հիմնված՝ Թոդ Ֆիլիպսի «Ջոքերը» (Joker) և Տայկա Վայտիտիի «Ջոջո նապաստակը» (Jojo Rabbit) ֆիլմերը:
Ֆիլմարտադրության շատ ֆավորիտներ տարբեր կինոփառատոների ժամանակ դեբյուտներ ունեցան: Բայց դրանցից ոչ մեկը չի համեմատվի և չի մրցակցի Քվենթին Տարանտինոյի՝ ամառային հիթ դարձած «Մի անգամ… Հոլիվուդում» (Once Upon a Time … in Hollywood) ֆիլմի հետ: Այն, միևնույնն է, առաջատարն է:
Մեծ բյուջե, մեծ էկրանավորում, մեծ աստղեր: Ահա այս բառերով կարելի է բնութագրել կինոարվեստին ուղղված սիրային նամակ հորջորջվող «Մի անգամ… Հոլիվուդում» ֆիլմը: Այս տեսակ կինոնկարները ուղևորվում են դեպի հաղթանակ, ինչպես դա արեցին «Արգո» (Argo) և «Նահանջածները» (The Departed) ֆիլմերը:
Իր սցենարների համար երկու անգամ «Ակադեմիական մրցանակի» (Academy Awards) արժանացած Տարանտինոն երբեք չի արժանացել «Օսկարի»՝ «Լավագույն ռեժիսոր» կամ «Լավագույն կինոնկար» անվանակարգերում: Եվ գուցե քվեարկողները որոշեն գնահատել 56-ամյա ռեժիսորի արժանիքներն ու հասցնել նրան իր նպատակին:
Ուժեղ մրցակցություն է սպասվում Նոա Բաումբախի «Ամուսնական պատմություն» ֆիլմի հետ՝ Ադամ Դրայվերի և Սքարլեթ Յոհանսոնի մասնակցությամբ:
Netflix-ը ներկայացնելու է «Իռլանդացին» (The Irishman) ֆիլմը այս ամսին կայանալիք Նյու Յորքի կինոփառատոնին, ինչպես որ ցուցադրեց «Երկու պապ» (The Two Popes) ֆիլմը Տորոնտոյում:
Disney և 20th Century Fox կինոստուդիաների բաժանումը, միևնույն է, չի խանգարի վերջինիս թողարկել իր «Ֆորդն ընդդեմ Ֆերարիի» (Ford v Ferrari) ֆիլմը:
Փառատոնային ֆիլմերը ևս կարող են աղմուկ բարձրացնել, ինչպես «Ջոջո նապաստակը», «Ջոքերը» և այլք: Բայց, միևնույնն է, Տարանտինոյի «Մի անգամ… Հոլիվուդում» ֆիլմը ճիշտ ֆիլմ է, նկարահանված ճիշտ ժամանակին:
«Մի անգամ… Հոլիվուդում» ֆիլմից լուսանկարը՝ https://www.nytimes.com/2019/07/24/movies/once-upon-a-time-in-hollywood-review.html?module=inline կայքից
Անգլերենից փոխադրեց Դավիթ Մովսիսյանը
No Comments