Ardi.am-ի հարցին պատասխանում է դերասանուհի, Հանրային ռադիոյի Մշակութային հաղորդումների խմբագրության Ռադիոթատրոնի բաժնի խմբագիր, հաղորդավար, ՀՀ վաստակավոր արտիստ Մայրանուշ Գրիգորյանը:
-Տիկին Մայրանուշ, բազմամյա փորձառությամբ կապված եք Հանրային ռադիոյի հետ: Ի՞նչ նորություն կա Ձեր աշխատանքում:
-Ռադիոթատրոնը իմ երկրորդ ընտանիքն է, իմ երկրորդ կյանքը: Հանրային ռադիոն ունի նոր տնօրեն, և մենք մեծ ոգևորությամբ ենք աշխատում նրա ղեկավարությամբ: Պարոն Խումարյանից շատ գոհ է կոլեկտիվը, կան դրական փոփոխություններ՝ թե՛ տեխնիկական, թե՛ ստեղծագործական, թե՛ կադրային հարցերի հետ կապված: Անցյալ տարի մենք նոր ռադիոբեմադրություն արեցինք և համալրեցինք մեր հարուստ ֆոնդը, որն իրավամբ կկոչեի ոսկե ֆոնդ: Երջանիկ եմ, որ այս տարիքում աշխատում եմ և պատրաստվում եմ նոր հաղորդաշար անել: Շարքը կոչվում է «Խոսուն գրականություն»: Ունի նաև բնաբան՝ «Դարձ առ գիրք»: Ես մտադիր էի անդրադառնալ մեր անցյալի գրողներին, սակայն Հանային ռադիոյի ղեկավարությունն ինձ հուշեց ներկայացնել ժամանակակից հայ գրողներին: Գիտենք, որ հիմա քիչ են կարդում, և սա փորձ է՝ մարդկանց վերադարձնելու դեպի ընթերցանությունը: Փետրվար ամսից կսկսվի շարքի հեռարձակումը:
Ardi.am
No Comments