«Արմատներ»․ այս վերնագիրն ունի Սանկտ Պետերբուրգից Հայաստան ժամանած երիտասարդ ռեժիսոր Սոֆյա Կատալայի կարճամետրաժ ֆիլմը։ Նա ռեժիսուրա է սովորում Սանկտ Պետերբուրգի Նոր կինոյի դպրոցում։ Սոֆյան մայիսին բուռն ու արդյունավետ դասընթաց անցկացրեց Երևանում։ ardi.am-ին պատմեց, որ ամեն օր փոքրիկ նկարահանումներ են կատարել Երևանի տարբեր վայրերում․
«Առաջին օրը նկարահանումները մի փոքր բլրի վրա էին, որտեղ Համլետ Գրիգորյանը սխտոր էր տնկում, իսկ Գևորգը (տղա դերակատարը) ընկերների հետ վազվզում էր (հանդիպումը պատահական է եղել- հեղ․): Մենք այնտեղ ենք հանդիպել։ Ավելի ուշ ցանկացա պատմությանը ավելացնել մի քանի կադրեր, որոնք նկարել էի հեռախոսով առաջին օրը։ Ինձ միացավ Լյոշան՝ դասընկերուհիս ու օպերատորը։ Միասին մշակեցինք սցենարը, պայմանավորվեցինք Համլետի և Գևորգի հետ ու նշանակված օրը եկանք նկարահանման»։
Նկարահանումների ընթացքում սցենարը մի փոքր փոխվել է, բայց հիմնականում պահպանվել է ըստ նախատեսվածի։ Սոֆյան շնորհակալություն հայտնեց Համլետին և Գևորգին, որ համաձայնել են մասնակցել ֆիլմի նկարահանումներին․ «Սա ինձ համար շատ կարևոր աշխատանք էր․ այն ինձ կօգնի հետագայում կուրսային ֆիլմ նկարահանելիս։ Ողջույններ և գրկախառնություններ եմ ուղարկում բոլորին»։
Արմինե Սարգսյան
No Comments