Ռեժիսոր, սցենարիստ Վահե Յանի «Արցախ. հավերժի սահմանին» ֆիլմը օրերս ցուցադրվեց Արցախում՝ Մարտունիում, Ստեփանակերտում, Մարտակերտում: Ստեփանակերտի ցուցադրությանը մասնակցել է ԱՀ նախագահ Բակո Սահակյանը:
«Արցախյան ցուցադրությունները նախաձեռնել է ՀՀ վաստակավոր արտիստ, երգչուհի Շուշան Պետրոսյանը: Երևանյան առաջնախաղից հետո ինձ ասաց, որ այս ֆիլմը մեկ օր շուտ պետք է լինի Արցախում, ու ամեն ինչ արեց, որ ցուցադրությունները լինեն»,- ardi.am-ին ասաց Վահե Յանը:
«Արցախ. հավերժի սահմանին» ֆիլմը «Academy Films», «Associated Television International» և «Blitz Films» ընկերությունների համատեղ արտադրանքն է։ Սա Արցախի ստեղծման ու աշխարհի ստեղծման պատմությունն է, այստեղ խոսում են աչքերը, ժպիտը, թախիծը, բնաշխարհը, երկինքը, ձայնը, շարժումն ու երաժշտությունը: Ֆիլմը հիմնված էր աշխարհաստեղծման չորս տարրերի վրա՝ օդ, ջուր, հող և կրակ: Հինգերորդ կարևոր տարրը սերն է: Ֆիլմն առանց խոսքի է:
Նշենք, որ արցախյան ցուցադրությունը կայացել է Արցախի մշակույթի, երիտասարդության հարցերի և զբոսաշրջության նախարարության աջակցությամբ:
Ardi.am
No Comments