Միացյալ Նահանգների Սենատը միաձայն քվեարկությամբ հաստատեց Հայոց Ցեղասպանությունը դատապարտող՝ սենատոր Ռոբերտ Մենենդեսի ներկայացրած թիվ 150 բանաձևը։
Ցնցվա՞ծ ենք, հուզվա՞ծ, երախտապա՞րտ, հպա՞րտ, վրիժառո՞ւ, լավատե՞ս… Ինչպե՞ս ի մի բերենք դարից էլ երկար ձգված մեր ապրումի հանրագումարը, երբ չենք կարողանում անգամ արտածել այս մեկ գիշերվա մեջ մեզ համակած ցնծագին-արցունքառատ հոգեվիճակի բանաձևը:
Շնորհակալությո՛ւն, Ամերիկա՛: Շնորհակալությո՛ւն, սենատո՛ր Մենենդես: Շնորհակալությո՛ւն, ամերիկյա՛ն՝ աննախադեպորեն միաբան սենատորներ: Շնորհակալությո՛ւն, Քի՛մ. դու մերն ես, քեզ վերջում հիշատակենք:
Դուք իջեցրիք վաղուց ուշացած շառաչուն ապտակը ցեղասպան (շեշտադրում ենք՝ ցեղասպա՛ն) թուրքի գազանակերպ դեմքին: Դուք ոչ միայն կանաչ լույս վառեցիք մեր տառապյալ ազգի՝ ավելի քան հարյուրամյա երազանքի իրականացման ճանապարհին, այլև սանձեցիք այն ոճրագործի մարմաջը, որն այսօր էլ իր դիվային գանգում հունցում է նոր ցեղասպանությունների խմորը:
Աշխարհը փոխում է իր դիմագիծը. սրա շահառուն Երկիր մոլորակի բազմազգ բնակիչներն են:
Կարինե Ռաֆայելյան
No Comments