«Օրերս առաջարկ ստացանք Լատվիական օնլայն կինոհարթակում տեղադրելու մեր «Ճայը» ֆիլմը: Սիրով ընդունեցինք առաջարկը: Անկեղծ ասած, սկզբում մտածում էի, որ ֆիլմը անմիջապես կապված է մեր մոլորակի այս ճգնաժամի հետ և պետք չէ ավելորդ դեպրեսիայով ճնշել մարդկանց, սակայն հետո հասկացա, որ ճիշտ ժամանակն է իրականությունը ներկայացնելո»,- ասում է ֆիլմի ռեժիսոր Մանեն: Նա բացատրում է, որ անհոգ ժամանակներում մարդիկ չեն մտածում համաշխարհային պատերազմների, համաճարակների ու աղետների մասին, դրանցից պաշտպանվելու մասին: Ամենքն ապրում է իր չափազանց ծիծաղելի խնդիրներով: Երբ գալիս է պահը համաշխարհային ճգնաժամերի, սկսում ենք մտածել բոլոր ազգերի ու քաղաքների մասին: Սկսում ենք վերջապես անհանգստանալ երկիր մոլորակի համար: Իհարկե շատ ցավալի է, որ այդպես է, բայց ամեն դեպքում Մարդ մնալու հատկանիշը սկսում է գործել: Ֆիլմով կիսվելը նույնպես ինչ-որ չափով ոգևորում է ռեժիսորին, քանզի շատերն են կիսվում իրենց կարծիքներով: Մանեն հույս ունի, որ ամեն ինչ լավ ավարտ կունենա, ինչպես որ ֆիլմում է. ամեն ինչ սկսվում է նորից, և դեռ հույս կա կապույտ երկնքում…
«Ճայը» (2018 թ.) էքսպերիմենտալ ֆիլմը նկարահանվել է Անտոն Չեխովի համանուն պիեսի հայտնի մենախոսության հիման վրա: Երիտասարդ ռեժիսորի նախորդ՝ «Ադապտացիա» ֆիլմը հայրենիքում և արտերկրում բազմաթիվ հաջողություններ է ունեցել ու մրցանակների է արժանացել: «Ճայը» նույնպես իր «թռիչքն» ունի միջազգային կինոաշխարհում: Եթե «Ադապտացիայի» հերոսները մեր քաղաքի բնակիչներն են, ապա «Ճայը» համընդհանուր խնդիրներ է վեր հանում, թեև տիեզերքի հեռվից կարելի է նշմարել նաև քաղաքի գծագիրը: «Ճայը» Մանեի դիպլոմային աշխատանքն է: Ֆիլմի պրոդյուսերը Արարատ Գրիգորյանն է:
«Ճայը» ֆիլմի թրեյլերը
No Comments