Լույսեր, վարագույր, շշուկ, կուլիսներ… սրտի դմփոց, սուլոց, ծափեր: Բեմն է մեր սերը, իմաստը կյանքի… բեմը, թատրոնը, այո՛, c΄est la vie…
«Բոհեմ» թատրոնն այսօր դարձավ 5 տարեկան։ Մեզ համար անչափ կարևոր ու պարտավորեցնող է, որ այս տարիների ընթացքում մեր կատարած աշխատանքը գնահատվել ու սիրվել է հանդիսատեսի կողմից։ «Բոհեմ»-ի բեմից Նարեկ Դուրյանն իր հանդիսատեսի հետ խոսել է ինքնակենսագրական մոնո-ներկայացումներով, կատակերգություններով, փաստավավերագրական ներկայացումներով, մանկական երաժշտական ներկայացումներով՝ մշտապես փորձելով ներկայացնել ծանոթ ու սովորական երեւույթները նորովի ու փոխանցելով սեփական կյանքի փորձը հանդիսատեսին։ Այսօր մենք հպարտ ենք, որ չնայած նախորդ երկու տարվա դժվարությունների, այսուամենայնիվ, մեր ու ձեր թատրոնի դռները միշտ բաց են, դահլիճը լիքը, բեմն էլ՝ իմաստով լի։
«Սիրելի կոլեգաներ, ընկերներ, «սեղանակիցներ և գերեզմանակիցներ», մեծարենք իրար: Ուրիշին մեծարելով՝ մենք ենք մեծարվում: Խաղանք… Քանի դեռ 100, 500, 1000 մարդ միաժամանակ, հոտնկայս ծափահարում է մեզ՝ խաղանք: Քանի դեռ Աստված ուժ է տվել՝ խաղանք: Անենք մեր գործը: «Կոմեդիա» թե «Տրագեդիա» — կարևոր չէ…Մարդիկ պետք ունեն թատրոնի»,- ասում է Նարեկ Դուրյանը: Մանրամասները՝ տեսանյութում։
No Comments