Գրքի երևանյան փառատոնի շրջանակում, հուլիսի 30-ին, ժամը՝ 16:00-ին, տեղի կունենա հանդիպում գրող, գրաքննադատ, թարգմանիչ Ալեքսանդր Թոփչյանի հետ։ Հասցեն՝ Զանգակ գրատուն (Աբովյան 7): Մուտքն ազատ է:
60-ականներին «Գարուն» ամսագրով գրական ասպարեզ մտավ վառ ու ինքնատիպ մի սերունդ՝ Հովհաննես Գրիգորյան, Սլավիկ Չիլոյան, Հենրիկ Էդոյան, Դավիթ Հովհաննես, Արտեմ Հարությունյան և այլք։
Եվ այս սերունդն ուներ իր գրաքննադատը՝ Ալեքսանդր Թոփչյանը։
Ալեքսանդր Թոփչյանը և «գարունականները» ստիպված էին հաղթահարել իրենց ժամանակի գեղագիտական և գաղափարական պատնեշները՝ կռիվ տալով հանուն նորարարության և գրականության ազատության։ Այդ օրերի բանավեճերից ու քննարկումներից շատերը արդիական են անգամ այսօր։
Գրքի երևանյան չորրորդ փառատոնի պատվավոր հյուրերից է գրաքննադատ, թարգմանիչ և գրող Ալեքսանդր Թոփչյանը, որը դասախոսությունը մեզ կտանի հեռավոր 60-ականներ՝ պատմելու այդ ժամանակի պոեզիայի ու այդ սերնդի գեղագիտության մասին։
Գրքի երևանյան փառատոնի ամբողջական ծրագիրը՝ այստեղ։
No Comments