Հետաքրքիր փաստեր Շոպենի մասին

Ֆրեդերիկ Շոպեն։ Համաշխարհային երաժշտության պատմության ամենանշանակալի դեմքերից  մեկը։ Հանճարեղ լեհ կոմպոզիտորի ստեղծագործություններն առ այսօր հնչում են աշխարհի խոշորագույն համերգասրահներում։  

****
1․ Ապագա կոմպոզիտորը երաժշտության հանդեպ սերը ժառանգել էր մորից, որը լավ կրթություն էր ստացել և հոյակապ դաշնամուր էր նվագում։  Ֆրեդերիկն ուներ երեք քույր։ Նրանք երեքն էլ ունեին ստեղծագործելու տաղանդ։

2․ Շոպենը մանկուց տարված էր երաժշտությամբ․  կարող էր գիշերն անկողնուց վեր ցատկել, որպեսզի դաշնամուրի վրա փորձեր հենց նոր հորինած էտյուդը։  Նա սիրում էր նվագել մթության մեջ, որպեսզի ստեղծագործելիս ոչինչ չշեղեր իր ուշադրությունը։ 

3․ Փոքր հասակում Շոպենը չէր կարողանում դաշնամուրի որոշ ակորդներ վերցնել։ Նա մատները երկարացնող  հատուկ հարմարանք հորինեց՝ չափազանց ցավոտ, բայց արդյունավետ և կրում էր նույնիսկ քնած ժամանակ։  

4․ Մանուկ հասակում Շոպենը պնդում էր, որ տեսնում է մահացած բարեկամների ուրվականները։  Հետազոտողների կարծիքով՝  դրանք էպիլեպսիկ դրսևորումներ էին։ 

5․ Շոպենը 12 տարեկանում  վարպետությամբ չէր զիջում պրոֆեսիոնալ  դաշնակահարներին։ Նրա ուսուցիչը հրաժարվեց պարապունքներից,  որովհետև այլևս ոչ մի նոր բան չէր կարողանում սովորեցնել։

6․ Ավելի քան 10 տարի Շոպենը սիրավեպ է ունեցել ֆրանսիացի կին գրող Ժորժ Սանդի հետ։ Այդ հարաբերությունները, հետագայում և բաժանումը՝ քայքայիչ ազդեցություն են ունեցել թոքերի հիվանդությամբ տառապող կոմոզիտորի առողջության վրա։ 

7․ Շոպենը մահացել է 39 տարեկանում։  

8․ Շոպենի ցանկության համաձայն՝  նրա թաղմանը երաժիշտները կատարել են Մոցարտի «Ռեքվիեմը»։ Հենց այդ կոմպոզիտորին էր նա մեծագույնը համարում։

9․ Շոպենի աճյունը  Փարիզում է, իսկ նրա սիրտը, իր ցանկության  համաձայն, ուղարկել են Վարշավա և տեղադրել Սուրբ Խաչ եկեղեցու սյուներից մեկի մեջ։

10․ Երաժշտագետները պնդում են, որ Շոպենի վալսերը յուրօրինակ «օրագրեր» են և դրանցով կարելի է պատկերացում կազմել նրա կյանքի մասին։

11․ Շոպենի երկրպագուներն էին նրա շատ ժամանակակիցներ․ օրինակ՝ Ֆերենց Լիստը, Հեկտոր Բեռլիոզը և Ռոբերտ Շումանը։

12․ Ինքը՝ Շոպենը, սեփական ստեղծագործությունը բնութագրում էր մեկ բառով՝  «Ափսոսանք», նկատի ունենալով, որ իր գործերը ներծծված են տխրությամբ և բողոքի ինտոնացիաներով։

13․ Շոպենի անունով է կոչվել Մերկուրիի խառնարաններից մեկը։

Թարգմանությունը՝ Իսրայել Ասրյանի
Աղբյուրը՝ Сто фактов