maltepe escortbostancı escortanadolu yakası escortankara escortataşehir escortjeux de pouletMebbistrendyol indirim kodubetmatikistanbul escort bayanseocasibom girişistanbul escortescort bayan ankaragrandpashabetgrandpashabetjojobet girişJojobetjojobet güncel girişjojobetjojobetgaziantep escortgaziantep escorthacklinkmarsbahiskalebetmarsbahisgüvenilir slot sitelericasibomgates of olympushttps://www.wcle.org/https://www.birbuketmeyve.com/sweet bonanzajojobetjojobetgrandpashabet girisgrandpashabetgrandpashabetmarsbahisgüvenilir bahis siteleriasyabahis girişjojobetsahabet girişcasibom girişmatbetbetparkonwin girişmatbetholiganbet girişjojobetcasibompusulabetmarsbahiscasibomcasibomcasibombetebetsahabetcasibomsahabetjojobetdeneme bonusumatbetmatbethacklinkextrabet giriş1216jojobetjojobetpusulabetcasibomcasibomjojobetjojobet girişcasibomcasibomholiganbetmarsbahismarsbahis girişjojobetgrandpashabet girişjojobetOnwinMaltepe otelkartal otelataşehir otelKadıköy günlük kiralık daireÜsküdar otelleriağva günlük kiralık daireMaltepe günlük kiralık dairependik günlük kiralık daireağva otelleriPusulabetcasibomjojobet girişjojobet girişdeneme bonusujojobetelitcasinopubg mobile uccasibommarsbahiscasibommarsbahis girişmarsbahismarsbahiscasibomcasibom
ԳրաԴաշտ Միքայել Բադալյան

Միքայել Բադալյան․ Ձևախեղում

19.06.2020

Սարոն ու Նարինեն, է՜, չէ՛, Իշխանն ու Համեստը երջանիկ զույգ են: Համենայնդեպս, այդ են վկայում նրանց ֆեյսբուքյան էջերում պարբերաբար տեղադրվող՝ սիրառատ ներդաշնակությամբ պարուրված նկարները: Իհարկե, այստեղ առանձնանում է նորաթուխների երեք ամիս առաջ կայացած շլացուցիչ հարսանյաց արարողության ամբողջ պատկերաշարը: Խորովածը բերելու ու տորթ կտրելու լայվերն ամենից շատ կլասսերն էին հավաքել: Անչափ հուզիչ է պսակադրության արարողության նկարը: Քավորը՝ նույն ինքը՝ Իշխանի անմիջական շեֆը, խաչը պահել է զույգերի գլխավերևում: Մյուս լայվում արդեն Իշխանը հոգևոր հորը մի քանի անգամ ասում է «տեր եմ», որին Համեստը հեզորեն եռաձայնում է «հնազանդ եմ»-ով: Մյուս նկարում Համեստ տատն է հուզված թոռանն ու փեսային գրկում: Համեստ տատը միշտ հարևանների հետ սուրճ խմելիս սիրում էր հպարտանալ աշխարհագրականի ֆակուլտետի դիպլոմ ունեցող իր համանուն խելացի թոռով:

Հենց աշխարհագրական ֆակուլտետի հեռակա բաժնում էլ նորաթուխները հանդիպել էին: Երկուսին էլ դիպլոմ էր պետք, և դա սկիզբ դրեց ճակատագրական միությանը: Չնայած Իշխանը Համեստից երեք ու կես տարի մեծ էր, սակայն սովորում էր առաջին կուրսում: Իսկ Համեստը շուտով դիպլոմ էր ստանալու: Վերջինիս պետականից մի ամիս առաջ նրանց աչքերը խաչվեցին: Իշխանն անցավ գրոհի: Դե՛, իսկ դիպլոմը ստանալու օրը «Բանականության սիմֆոնիա»-ից փասթ արած սիրո մասին երկտողով շքեղ ծաղկեփնջից հետո Համեստը համաձայնվեց ասպետի կինը դառնալ:

Իշխանը շաուրմանոցների ցանցի գլխավոր մենեջեր է, շեֆի աջ ձեռքը: Մի քանի տարվա ընթացքում կարողացել է նոր տուն գնել ու լավ տեսքով մեքենա:
Հարսանիքից առաջ տունը, ինչպես հարկն է, վերանորոգեց: Ինչ պակաս էլ կար, լցվեց Համեստի շքեղ օժիտով: Տան հյուրասենյակի պատուհանից հիացնելու պես պարզ երևում էր Արարատ լեռը: Հենց այս պատուհանին Համեստը որոշեց կախել իր օժիտի անքակտելի մաս համարվող՝ փոռերով ու սիրամարգերով, բորդոյին խփող վարագույրը:


Մեկ օրից Իշխանի ծննդյան օրն էր: ՈՒ այդ կապակցությամբ շեֆը իր սիրելի սանիկին որոշեց նախօրոք շնորհավորել: Քյաբաբները դրեցին, մասկովսկի օղի՝ երկու շիշ, չորս հոգով:
— Էս բաժակով էլ, Իշխա՛ն ջան, ուզում եմ՝ խմեմ քո ընտանիքի, քո օջախի կենացը:
Բոլորը ոտքի կանգնեցին:

— Ցա՛վդ տանեմ, շե՛ֆ ջան, քավո՛ր ջան,- ու կիսահարբած ողջագուրումներ:
Արդեն գիշերվա ժամը 11-ն անց էր, երբ Իշխանը եկավ տուն: Համեստը հանեց Իշխանի կոշիկները:

— Աղչի՛, հլը էն խալադելնիկի սառը պիվեն բեր, հեսա ֆուտբոլա սկսվում, ուժեղ խաղա ըլնելու՝ Բարսելոնա-Պարի Սեն Ժերմեն: Մարդդ էլ ստավկաա դրել: Որ կրեցի, քեզ մի հատ թույն դուխի եմ առնելու՝ էն նրանից, որ քավորի կնիկը միշտ ցանումա վրեն:

— Վա՜-ա՜ -ա՜խ, կյա՜նքս, հեսա վազեմ-բերեմ:

— Էս Բարսելոնան լավ տեղա, բայց: Գժոտ պլյաժներ ունի:

— Ո՞ր ծովն էր տեղ, կյա՛նքս:- Չես հիշո՞ւմ, աղչի՛, Էգեյան ծովնա:

— Հա՜-ա՜-ա՜, ճիշտաա:

— Դե շո՛ւտ արա, աղչի՛, պիվես բեր, ոնց որ կրիա ըլնես:

Ֆուտբոլը սկսվեց: Գարեջրի շշի կեսը դատարկելուց հետո Իշխանը նայեց Համեստին ու զգաց, որ ինքը առյուծա՝ կենդանիների իշխանը:

Հեռուստացույցով ֆուտբոլը շարունակվում էր: Արդեն երկրորդ խաղակեսի վերջին րոպեն էր, երբ Սերխի Ռոբերտոն խփեց Բարսելոնայի վեցերորդ գոլն ու իր թիմին պարգևեց ուղեգիր՝ դեպի հաջորդ փուլ: Իշխանը, սակայն, այդ գիշեր չէր փայլում ռմբարկուական հատկանիշներով: Գոլազուրկ խաղից հետո նորաթուխները պառկել էին անկողնում ու ընկղմվել իրենց ֆեյսբուքների մեջ: Իշխանը վերցրեց շիշը ու սկսեց կոնծել գարեջրի մնացած մասը: Համեստի ձեռքի հպումից էկրանին երևաց ամուսնու էջը: Հաղթանդամ, լայն ժպիտով, աչքերը պլշած՝ նայում էր կնոջը. կարծես ոչինչ չէր եղել…

— Վա՜-ա՜-ա՜յ, կյա՛նքս, արդեն տասներկուսն անցելա, մոռացել էի, որ ծնունդդա, արի մի հատ պաչեմ, կյա՛նքս: Շնորհավո՜ր:

— Ապրե՛ս,կյա՛նքս:

Հետո Համեստը նորից մտավ ֆեյսբուք ու իր կողքին պառկած Իշխանի պատին լատինատառ գրեց:

— Էսօր աշխարհի լավագույն ամուսնու ծնունդնա: Շնորհավո՛ր, արև՛ս: Իմ կյանքի իմաստ, իմ սիրտ: Շնորակալ եմ Աստծուց, որ քո նման ուժեղ ու բարի ամուսին ունեմ: Սիրում եմ քեզ: ՈՒ բազմաթիվ խայտաբղետ սրտիկներ…

Փոստից հետո Իշխանի հեռախոսը ծնգաց: Վերցրեց, տեսավ սիրելի կնիկը օֆիցիալ ծնունդնա շնորհավորում:

Այս անգամ էլ Իշխանը անմիջապես պատասխանեց.

— Մերսի, կյա՛նքս: Իմ հարստությո՛ւն: Երջանիկ եմ, որ քո նման կին ունեմ, հրա՛շքս:
Նորաթուխներով, ուրախ երկուստեք շնորհավորանքներից, իրար նայեցին:
Առավոտ էր: Արարատը պատուհանից աննկարագրելի հպարտ էր երևում: Արարատը՝ հայու հայելին, իր մեջ պարփակած հայու հոգին ու իմաստությունը…Երևի մի օր կժայթքի…

Համեստը մարդու համար կոֆե էր դնում ու հեռախոսին նայում:

— Կյա՛նքս, դե մի հատ սիրուն շորերդ հագի, իրար հետ նկարվենք, գցենք սայթ, որ սաղ կլասս տան:

— Լավ բան ես ասում:

Յոթ րոպե անց:

— Բա որտե՞ղ նկարվենք:

— Արի պատուհանի մոտ, կյա՛նքս: Սենց հեչ սիրուն չի, կյա՛նքս: Սպասի պատուհանը զանավեսկով փակեմ, որ սելֆիի մեջ էս սիրամարգերն էլ էրևան: Ի՜նչ մակարդակ նկարա, կյա՛նքս, էսօր ֆեյսբուքը կլասսներով գմփցնելու ենք…

No Comments

Leave a Reply