Ռեյ Չարլզ․ հետաքրքիր փաստեր

Ռեյ Չարլզը երբեք չի ցանկացել հայտնի լինել։ Նրա կարծիքով՝ փառքը նման է գլխացավանքի։ Իսկ մեծ լինել ցանկացել է։ Եվ  դարձել է։ Ֆրենկ Սինատրան ասել է՝ Չարլզը հանճար է։ Էլվիս Փրեսլին, Սթիվի Ուանդերը, Բիլլի Ջոելը, Միք Ջագերը և այլ հայտնի կատարողներ Չարլզին իրենց ուսուցիչ էին համարում։ Նրա երգերը կանխորոշել են վերջիններիս երաժշտական կարիերան։ 

Հետաքրքիր փաստեր․

1․ Լինելով կույր, Ռեյը հեծանիվ և մոտոցիկլետ էր վարում։ 
2․ Նա միշտ հայելու առաջ էր սափրվում։ 
3․ Ռեյն ամուսնացել է  երկու անգամ, բայց չի սահմանափակվել «երկուսով»։ Նրան միշտ հետաքրքրել են կանայք։ Ուներ 12 երեխա 9 տարբեր կանանցից։  Հետագայում ժառանգները նրան 20 թոռ և 5 ծոռ պարգևեցին։
4․ 2004 թվականին Ռեյը երեխաներից յուրաքանչյուրին 1 միլիոն դոլար նվիրեց։
5․ Չարլզն օգնում էր Մարտին Լյութեր Քինգին պայքարելու ռասիզմի դեմ։ Նա հովվի ելույթները ֆինանսավորում էր իր համերգներից ստացած գումարներով։ Ռեյը չէր համարձակվում նման ելույթներով հանդես գալ, վախենում էր չդիմանա և «չափն անցնի»։
6․ “Georgia on My Mind” սինգլը դարձավ Ջորջիա նահանգի պետական հիմնը։ 

7․ Ռեյ Չարլզը երկրի երաժշտական աղյուսակներում առաջին տեղը զբաղեցնող մի քանի սևամորթ կատարողներից մեկն է։
8․ Բոլոր համերգներից առաջ նա մեկ բաժակ ջին և սուրճ էր խմում, ինչը նրան համարձակություն, թարմություն, տրամադություն էր հաղորդում։
9․ Ռեյը չէր սիրում լրագրողներին, չէր սիրում նաև ինքնագիր տալ, որովհետև չէր տեսնում, թե ինչի տակ է ստորագրում։
10․ Ռեյի հետաքրքրություններից մեկը շախմատն էր։
11․ Հոլիվուդյան փառքի ծառուղում Ռեյ Չարլզն աստղ ստացավ 1981 թվականի դեկտեմբերի 16-ին։

Փոխադրեց՝ Իսրայել Ասրյանը
Աղբյուրը՝  soundtimes.ru