«Մշակույթների երկխոսություն» կազմակերպությունը և Հայաստանի պատմության թանգարանը՝ Հայաստանի Հանրապետությունում Գերմանիայի Դաշնային Հանրապետության և Շվեյցարիայի Համադաշնության դեսպանությունների աջակցությամբ, 2022-ի սեպտեմբերի 15-ից դեկտեմբերի 25-ը Հայաստանի պատմության թանգարանում ներկայացնում են հայ գեղարվեստական լուսանկարչության նշանավոր ներկայացուցիչ Գագիկ Հարությունյանի «Ակնթարթի ներսը» հետահայաց ցուցահանդեսը։
Այն իրականացվում է «Մշակույթների երկխոսություն» կազմակերպության գործունեության 10-ամյա հոբելյանի և հայ-գերմանական դիվանագիտական հարաբերությունների 30-ամյակի շրջանակներում։
Հայ գեղարվեստական լուսանկարչության նշանավոր ներկայացուցիչ Գագիկ Հարությունյանի «Ակնթարթի ներսը» հետահայաց ցուցահանդեսի բացման հանդիսավոր արարողությունը կկայանա 2022թ.-ի սեպտեմբերի 15-ին, ժամը 19-ին Հայաստանի պատմության թանգարանում:
Ցուցահանդեսի համադրողն է՝ գերմանացի արվեստագետ, Բոնն քաղաքի “Kurfürstliches Gärtnerhaus” ցուցասրահի տնօրեն, “Atelier Middelmann” արվեստանոցի ղեկավար Յուրգեն Միդելմանը։
Սեպտեմբերի 16ին, ժամը 18-ին «Մշակույթների երկխոսություն» կազմակերպությունը և Միրզոյան գրադարանն արվեստասեր հանրությանը և լուսանկարչության ոլորտում ստեղծագործող արվեստագետներին և գործող կազմակերպություններին հրավիրում են հանդիպման՝ հայ գեղարվեստական լուսանկարչության նշանավոր ներկայացուցիչ Գագիկ Հարությունյանի «Ակնթարթի ներսը» հետահայաց ցուցահանդեսի համադրող, գերմանացի արվեստագետ Յուրգեն Միդելմանի հետ:
Հանդիպման ընթացքում Յուրգեն Միդելմանն անդրադարձ կկատարի Գագիկ Հարությունյանի ստեղծագործունեությանը և իր կողմից ընտրված աշխատանքների հիման վրա կբացահայտի և հյուրերին կներկայացնի իր դիտանկյունը և Գագիկ Հարությունյանի դերն ու նշանակությունը ժամանակակից լուսնակարչության համատեքստում:
Մուտքն ազատ է:
![](http://ardi.am/wp-content/uploads/2022/09/55551948_439324183475309_5080729595708178432_n.jpg)
![](http://ardi.am/wp-content/uploads/2022/09/178766526_4002566163153888_8663627658246466671_n.jpg)
![](http://ardi.am/wp-content/uploads/2022/09/182943504_4027883903955447_7072257748947024572_n.jpg)
![](http://ardi.am/wp-content/uploads/2022/09/190193052_4083741645036339_4017286471025525309_n.jpg)
![](http://ardi.am/wp-content/uploads/2022/09/196585989_4126061397471030_634120457303714424_n.jpg)
![](http://ardi.am/wp-content/uploads/2022/09/200222789_4140346396042530_2240291072757325140_n.jpg)
![](http://ardi.am/wp-content/uploads/2022/09/240033952_4346883128722188_2999389292153872921_n.jpg)
![](http://ardi.am/wp-content/uploads/2022/09/gagik-harutyunyan-and-hamo-sahyan-746x1024.jpg)
![](http://ardi.am/wp-content/uploads/2022/09/harutyunyan-gagik.-1970s-scaled.jpg)
![](http://ardi.am/wp-content/uploads/2022/09/kulturedialog_gh_fb_cover_mob_640x360px_montazhnaja-oblast-1-kopija-4-1024x576.jpg)
No Comments