Հոկտեմբերի 26-ին, ժամը 16.00 Բեկնազարյան 5/31 (Աջանյակ վարչական շրջան, Արմենիա ԲԿ-ի մոտ) հասցեում տեղի կունենա Paracelsus ՀԿ-ի մտահաղացմամբ մեկնարկած ՀԱԴՐՈՒԹԻ ՀԱՄԸ նախաձեռնության շնորհանդեսը:
![](http://ardi.am/wp-content/uploads/2020/10/1-6.jpg)
Այս օրհասական օրերին արցախցի տղամարդիկ գտնվում են առաջնագծում, իսկ նրանց ընտանիքներն տեղահանվելով իրենց բնակավայրերից՝ առանց կացարանի, առանց ապրելու միջոցների Հայաստանում են: Եվ այդ ընտանիքներին աջակցելու նպատակով հադրութցի կանանց հետ կպատրաստենք ժինգյալով հաց, կորկոտ, փախլավա, գաթա, որոնք այսուհետ հնարավոր կլինի ձեռք բերել առցանց վաճառքի միջոցով։ Վաճառքից ստացված ամբողջ հասույթը կտրամադրվի այդ ընտանիքներին։
![](http://ardi.am/wp-content/uploads/2020/10/4.jpg)
Արցախցի ընտանիքների ապահովության դեպքում մեր տղամարդիկ ավելի հանգիստ ու վստահ կպայքարեն հանուն մեր սուրբ հողի։ Կլինի նաև համեղ ուտեստների հյուրասիրություն, ծանոթություն արցախցի կանանց հետ, որոնցից յուրաքանչյուրն իր ճակատագիրն է բերել այստեղ:
ՍԱՏԱՐԵՆՔ մեր արցախցի հայրենակիցներին: Լրացուցիչ տեղեկությունների համար զանգահարել՝ 041244011
No Comments