Հայաստանի պետական սիմֆոնիկ նվագախումբն ուրախ է հայտարարել շվեյցարական HomeOrchestra կրթական նախագծի հետ համագործակցության մասին։ Մարտի 9-ին նվագախումբը կտեսաձայնագրի դասական երաժշտության ամենահայտնի ստեղծագործությունների կատարումները։ Նվագախումբը այս ինքնատիպ ծրագրի շրջանակում կղեկավարի իսպանացի դիրիժոր Ռիկարդո Կասերոն։
HomeOrchestra-ն շվեյցարական կրթական նախագիծ է, որի շրջանակներում ներկայացվում են դասական երաժշտության հայտնի ստեղծագործությունների մշակումներ և դրանք հասանելի են դարձվում սկսնակ երաժիշտների համար։ Կրթական ծրագիրն ապահովում է ստեղծագործության պարտիտուրը եւ նվագակցությունը։ Եվ ահա շնորհիվ Հայաստանի պետական սիմֆոնիկ նվագախմբի եւ HomeOrchestra-ի համագործակցության եւ տեսաձայնագրման՝ մենակատարներն այսուհետեւ հնարավորություն կունենա ոչ միայն լսել նվագախմբի նվագակցությունը, այլեւ տեսնել նվագախումբն ու դիրիժորին իրենց տան էկրանին։
No Comments