«Զանգակ» հրատարակչության կազմակերպած «Ամառային ընթերցանություն» մանկապատանեկան ծրագրի շրջանակում՝ հունիսի 1-ից օգոստոսի 31-ը երեխաները կարող են ընթերցել և անվճար փոխանակել գրքեր, մասնակցել անվճար գրական միջոցառումներին և միանալ ծրագրի մրցույթին՝ հավակնելով լավագույն ընթերցողի մրցանակին:
«Այս տարի մենք զարգացնում ենք երեխաների միջեւ գրքափոխանակության մշակույթը: Երեխաները հանդիպում են իրեր, գրքեր փոխանակում, մասնակցում գրական միջոցառումների»,- նշում են կազմակերպիչները։
Ծրագրին միանալու համար բավական է գործընկեր գրախանութից ձեռք բերել ծրագրում ընդգրկված գրքերից մեկը՝ դրա հետ ստանալով բուկլետ, տեղեկատվական թերթիկ և ընթերցողի քարտ՝ մեկ փաթեթով: Գրախանութների ցանկն ու տվյալները տրված են բուկլետում: «Ամառային ընթերցանություն» ծրագրին մասնակցում է «Զանգակ» հրատարակչության մանկապատանեկան գրականության լավագույն տեսականին՝ 80 և ավելի վիպակներ, ժողովածուներ, այլ գրքեր: Գրքերի ցանկը տրված է ծրագրի բուկլետում, ինչպես նաեւ www.zangak.am/amar կայքի «Գրապահարան» բաժնում: Մանրամասները՝ այստեղ։
ardi.am
No Comments