Մեկնարկում է «Մեկ կադր» կինոփառատոնը

«Մեկ կադր» կարճ ֆիլմերի միջազգային 19-րդ փառատոնը  տեղի կունենա սեպտեմբեր 22-28-ին «Հրանտ Մաթևոսյան» մշակութային կենտրոն-թանգարանում (Աբովյան 51/1): «2020 թվականից «Մեկ կադր» փառատոնը սկսել է իր պատմության նոր շրջանը։ Փառատոնն այլևս կճամփորդի և կիրագործվի տարբեր տեղերում: Մենք երազում ենք լինել Հայաստանի տարբեր քաղաքներում, գյուղերում, ճամբար գցել բարձր լեռների լանջերին: Եվ այնտեղից բոլոր բոլորիդ հրավիրել երեկոյան, բաց երկնքի տակ կինո նայելու: Գուցե, հնարավոր լինի երբևէ անել դա»,- ֆեյսբուքյան իր էջում գրել է փառատոնի հիմնադիր-նախագահ Գագիկ Ղազարէն, տեղեկացրել նաև, որ արդեն 2 տարի ՆՓԱԿ հիմնադրամում չեն, 2019-ի ավարտին ընկերներով  հիմնել են «Արվեստի Բաց Հարթակ» կազմակերպությունը, որն էլ վերջին երկու տարիներին հոգում է «Մէկ կադր» փառատոնի ընթացքն ու խնդիրները։ Ծրագիրը՝ այստեղ։