Երաժշտություն Իսրայել Ասրյան

Մենք բոլորս հավասար ենք վիրուսի դեմ

23.03.2020

Կարանտինի պայմաններում արտիստները երկրպագուների հետ շփման նոր ձևեր են մտածում, և այստեղ նրանց օգնում են սոցցանցերը։ Մինչ Նաոմի Քեմփբելը իր հետևորդներին սովորեցնում է ձեռքերը ճիշտ լվանալ, Մադոնան վարում է «կարանտինի օրագրերը»։ Շաբաթվա ընթացքում երգչուհին հասցրել է  վեց տեսանյութ ձայնագրել։ Մարտի 23-ին Մադոնան տեղադրեց տեսանյութ՝ նկարված սեփական լոգարանում։ Վարդի թերթիկներով լոգարանում նստած՝ երգչուհին մտորում է այն մասին, որ կորոնավիրուսի համաճարակի դեմ բոլորը հավասար են, և երկրպագուներին կոչ է անում մնալ տանը, ինչպես ինքը։

«Ինչն է զարմանալի COVID-19-ի դեպքում, իր համար մեկ է, թե դու ինչքան հարուստ ես, հայտնի, սրամիտ ու խելացի, որտեղ ես ապրում, քանի տարեկան ես և ինչպիսի պատմություններ կարող ես պատմել աշխարհին։ Ամենազարմանալին այն է, որ այն մեզ հավասարեցնում է ավելի, քան երբևէ։ Ու եթե այս նավը խորտակվի, բոլորս կխորտակվենք»,-  ասում է երգչուհին։

Instagram-ում տեղադրված հաջորդ տեսանյութում երգչուհին նստած է աշխատասենյակում՝ տպագրիչի առջև, ու պատմում է, թե ինչով է զբաղված կարանտինի ժամանակ․գրում է երաժշտություն, աշխատում իր պարտեզում, ստեղծագործում, ինչպես նաև զանգում ընկերներին ու խոսում սիրած նկարիչների մասին։ Հայտնի է, որ Մադոնան և նրա երեխաներն այժմ գտնվում են կարանտինում Լոնդոնի իր տանը։

Նյութի աղբյուր ՝ vogue.ua
Գլխավոր լուսանկարի աղբյուրը՝ Վիքիպեդիա, հեղ. ՝David Shankbone 
Ռուսերենից թարգմանեց Իսրայել Ասրյանը


No Comments

Leave a Reply