Kaleo․ «Բարև ձեզ, Երևա՜ն»․ (տեսանյութ)

Մարտի 21-ին Երևանի Կարեն Դեմիրճյանի անվան մարզահամերգային համալիրում կայացավ Գրեմմի մրցանակակիր, իսլանդական Kaleo ռոք խմբի համերգը։ Մեկնարկը տվեց հայկական Nemra ռոք խումբը։ «Մենք նրանց մեծ երկրպագուն ենք։ Համերգի հատուկ հյուր լինելը երազի է նման»,- նշեց վոկալիստ Վան Եղիազարյանը։ 
«Բարև ձեզ, Երևա՜ն»,- հանդիսատեսին ողջունեց Kaleo-ի սոլիստ Յոկուլ Յուլիասոնը։ 

Երևանյան բեմից հնչեցին պլատինե հիթեր, հոլիվուդյան ֆիլմերից և սերիալներից հայտնի դարձած, միլիարդավոր դիտումներ հավաքած ռոք և բլյուզ երաժշտություն։ 
Համերգի ավարտին խմբի անդամները բեմում ծածանեցին Հայաստանի դրոշը։ 
Մաքուր ձայն, հզոր էներգետիկա,  երկրպագուների միատոն շնչառություն, էմոցիոնալ կատարում՝ ահա ամենը, ինչի ականատեսը եղավ Երևանը։ 

Անի Անտոնյան