Բեյրութի «Նոազ արք» պատկերասրահի դիմակայությունը
Բեյրութի ռմբահարման ժամանակ վնասված «Նոազ արք» արվեստի պատկերասրահի գործունեությունը տեսականորեն հետաձգված է, բայց գործնականում շարունակում են կապեր հաստատել, հետագա ծրագրեր մշակել, կայքը նորացնել։
Այս մասին տեղեկացնում է լիբանանահայ արվեստաբան, Բեյրութի «Նոազ արք» արվեստի պատկերասրահի համահիմնադիր-տնօրեն Մովսես Հերկելյանը, նշելով, որ շարունակում են նաև հայ մշակույթը տարածել աշխարհում։
Այս ընթացքում նոր պատկերագիրք են տպագրել՝ ներկայացնելով Էդիկ Բերդյանի աշխատանքները։
«Նոազ արք»-ի ծրագրերը փոփոխվել են նաև համավարկի պատճառով։ Մինչ համավարկը համագործակցության պայմանագիր են կնքել «Սալվադոր Դալի» հիմնադրամի հետ:
Անցյալ տարի, Դալիի մահվան 30-ամյակի առիթով, սկսել են ցուցահանդեսներ կազմակերպել:
«Դալին և իր աշխարհը» խորագրով ցուցահանդեսներում ներկայացրել են Դալիին և հինգ սյուրռեալիստ հեղինակի, որոնցից երեքը` հայազգի՝ Վահրամ Դավթյան, Դավիթ Դավթյան և Սուրեն Ոսկանյան:
Պատկերագիրքը տպագրել է «Նոազ արք» պատկերասրահը:
Առաջին ցուցահանդեսը բացվել է Մոնակոյում, հետո` Սինդիում, հետո՝ Մելբուռնում, որտեղ հետաձգվել է հրդեհների պատճառով, մինչև հրեդհները մարել են, համավարակն է սկսվել:
Մովսես Հերկելյանի խոսքով՝ նպատակ են ունեցել նաև Կալիֆոռնիայում 38-րդ միջազգային ցուցահանդեսը բացելու, սակայն համավարակի պատճառով չի հաջողվել իրականացնել:
Արվեստի շուրջ չորս տասնյալ միջազգային ցուցահանդեսների մասնակցած պատկերասրահը շարունակում է ապրել, ներկայացնել հայ մշակույթը՝ ի հեճուկս բնության ու պատերազմի արհավիրքների։
