«2020 թվականի գլխավոր ֆիլմ է ճանաչվել չինացի ռեժիսոր Քլոե Չժաոյի «Քոչվորների երկիրը»։ Այդ եզրահանգմանն է եկել ԱՄՆ-ի ազգային կինոքննադատների միությունը»,- հաղորդում է Los Angeles Times-ը։ Բացի այդ, կինոնկարի ռեժիսոր և սցենարիստ Քլոե Չժաոն հաղթող է ճանաչվել «Լավագույն ռեժիսոր» անվանակարգում, իսկ գլխավոր դերասանուհի Ֆրենսիս Մակդորմանդը՝ «Լավագույն դերասանուհի» անվանակարգում։ Կինոքննադատները կարևորել են նաև օպերատորական աշխատանքը։ Ֆիլմի սցենարի հիմքում Ջեսիկա Բրուդերի «Քոչվորների երկիրը. ինչպես գոյատևել 21-րդ դարի Ամերիկայում» գիրքն է։
Դրամայի հերսուհին՝ 60-ամյա անտուն այրին, աշխատանք փնտրելու համար ծածկասայլով ճանապարհորդում է Արևմուտքում։ Ավելի վաղ` 2020-ի սեպտեմբերին, Քլոե Չժաոյի «Քոչվորների երկիրը» դրաման Վենետիկի 77-րդ կինոփառատոնում արժանացել էր «Ոսկե առյուծի»։ Ֆիլմի համաշխարհային առաջնախաղը նախատեսված է փետրվարին։ Ռուսաստանում այն կարելի է տեսնել մարտի վերջին։
Կինոքննադատները «Լավագույն վավերագրական ֆիլմ» անվանակարգի մրցանակը հանձնել են Գարրետ Բրեդլիի «ժամանակը» ֆիլմին, իսկ «Լավագույն արտասահմանյան ֆիլմ» մրցանակը` ռումինական « Կոլեկտիվ» ֆիլմին։
Թարգմանությունը՝ Իսրայել Ասրյանի
Նյութի աղբյուրը՝ lenta.ru
No Comments