Ի՞նչ է պատահել իմ այս քաղաքին

Կանադայում բնակվող իրանցի բանաստեղծուհի Էլահե Սալիմին, որ շուրջ մեկ տարի ապրել է Երևանում ու շատ սիրել այն, Քովիդ-19-ի պատճառով  հատուկ դրության մեջ հայտնված Երևանի կենտրոնը բանաստեղությամբ է նկարագրել։ Այն թարգմանաբար ներկայացնում ենք Ardi.am-ի ընթերցողին։

Բնաստեղծուհի, դրամատուրգ և սցենարիստ Էլահե Սալիմին  ծնվել է 1979թ․ Թեհրանում։ Գրական աշխարհ է մուտք գործել  մանկապատանեկան թատերգություններով ու բանաստեղծություններով, տպագրել ավելի քան 40 թատերգություն։ Նրա բանաստեղծությունները տպագրվել են  իրանական բազմաթիվ գրական պարբերականներում։ Աշխատել է Իրանի կրթության նախարարությունում և ակտիվորեն մասնակցել դպրոցական «խոսող» դասագրքերը կազմելու գործընթացին։ Բանաստեղծուհին նաև կարճամետրաժ կինոսցնարների հեղինակ է։

Օպերայում

Աղմուկն օպերայում վախի մեջ կորել է,

Մենության վիշտն է տիրել Կասկադին։

Ու Հյուսիսային պողատայից  էլ

Չի լսվում ձայնը հայոց դուդուկի:

Երկյուղի հոտից անտես էակի

Բոլորն են փախչում հիմա միմյանցից։

Հաճույքն ապրելու, թեև վշատագին,

 Տների մեջ է բանտել բոլորին,

Գերի դարձրել իրենց վանդակին:

Ի՞նչ է պատահել իմ այս քաղաքին,

Ե՞րբ է ցրվելու լուռը մահաբեր:

Անլեզու գոյեր,  արդ հասկանում ենք,

Թե դուք ինչպես եք փակված տառապել,

Ոնց եք դիմացել գերության վշտին։

Բայց հիմա արդեն, ձեզ ազատ թողել,

Մենք ենք վանդակի կամավոր գերին:

Նյութը և բանաստեղծութան թարգմանությունը՝ Էմմա Բեգիջանյանի
Գլխավոր լուսանկարի աղբյուրը՝ operasuitehotel.com