«Անտարես» հրատարակչությունը «XXI» մատենաշարով լույս է ընծայել Հովիկ Աֆյանի «Քաղցր կյանք» գիրքը։ «Քաղցր կյանք»-ը հեղինակի չորրորդ գիրքն է։ Շնորհանդեսը տեղի կունենա տարեմուտի մեծ գրավաճառքի շրջանակում դեկտեմբերի 18-ին, ժամը 19:00-ին «Դարան» գրախանութում (Իսահակյան 16 ա)։ Գիրքը հասանելի է ՀՀ ողջ տարածքում, Արցախում, նաև`արտերկրում: Հատված վեպից
Նարեկը մեղավոր չէր, որ Վահագնն իրենից 8 տարով փոքր էր: Ոչ էլ մաման ու պապան էին մեղավոր: Ուղղակի Նարեկի ծնվելուց հետո պապան գնացել էր Ռուսաստան, հետո եկավ, հետո նորից գնաց, հետո վերադարձավ ու հազիվ մի տեղ գործի ընդունվեց՝ սկզբում փոքր, հետո նորմալ աշխատավարձով:
Առավոտը յոթին շուկայում բաց էր միայն պապիրոսի բուդկան: Դիմացն արդեն հերթ էր: Անլվա, տկլոր տղամարդիկ, քսված, անչուլկի կնանիք… Որ նայում էիր, քեզ թվում էր՝ տեսնում ես մեռնող մարդկանց, որոնք թքած ունեն, որ մեռնում են… Սուրոն հերթի մեջ էր: Սուրուն նույնիսկ ատամներն էր լվացել,
