Հրազդանի դրամատիկական թատրոնի նկուղային հարկում ստեղծվել է բարեկարգ ու կահավորված անկյուն, որը կրում է «Նկուղ 41» անունը։ Այստեղ կազմակերպվելու են հանդիպումներ հրազդանցի ճանաչված դերասանների, գրողների, արվեստագետների հետ։ Այս փուլում Հրազդանի դրամատիկական թատրոնը «Հայի բռունցք» երիտասարդական-մշակութային հասարակական կազմակերպության հետ համատեղ իրականացվելու է «Հանդիպում բեմում» նախագիծը։ Ardi.am-ի հետ զրույցում կազմակերպության հիմնադիր-նախագահ Գարիկ Աղասյանն ասաց, որ նպատակ ունեն Հրազդանի ստեղծագործ և արվեստասեր հասարակությանը ծանոթացնել տեղի մշակութային գործիչների, արվեստագետների հետ․ «Առաջին հանդիպումը կկայանա փետրվարի 28֊ին, ժամը 15։30֊ին․ հյուրը կլինի մեր համաքաղաքացի, ռեժիսոր, Սոս Սարգսյանի անվան Համազգային պետական թատրոնի գեղարվեստական ղեկավար Նարինե Գրիգորյանը»։
Ardi.am
No Comments