Ղազարոս Աղայանի «Անահիտ» հեքիաթի հիման վրա բեմադրված համանուն ներկայացմամբ, այս տարվա սեպտեմբերին, կազդարարվի «Թատրոն Կայարան» երիտասարդական թատրոնի պաշտոնական բացումը։ Ներկայացման բեմադրիչը թատրոնի գեղարվեստական ղեկավար Կարո Քարաջյանն է։
![](http://ardi.am/wp-content/uploads/2022/05/283690598_5350746428278821_6676931310570371062_n-1-1024x683.jpg)
«Թատրոն Կայարան»-ն իր դռները բացել է 2021-ի տարեվերջին՝ մանկական ներկայացումներով՝ «Տոնածառ», «Թռի վռի մի ճպուռ», «Չարաճճի խոզուկների նոր արկածները»։ Խաղացանկը համալրած «Սեեեր ֆրանսիական ձևով» ներկայացումը նախատեսված է 18-ից բարձր հանդիսատեսի համար։
![](http://ardi.am/wp-content/uploads/2022/05/276307022_514608570108666_4301805972464832023_n-1024x415.jpg)
Նորաստեղծ թատրոնը գործում է Տիգրան Մեծ 80 հասցեում՝ Սասունցի Դավիթ կայարանի հարևանությամբ։ Դահլիճը նախատեսված է 280 հոգանոց հանդիսատեսի համար։ Թատրոնը մասնավոր է, տոմսերի գնային քաղաքականությունը՝ մատչելի։ Բազմաժանր այս թատրոնում միախառնված են ժամանակակից ուղղություններն ու ոճեր։ Ազգային արժեքների պահպանումը առաջնային է։
Թատրոնը առաջիկայում հյուրախաղերով հանդես է գալու Արարատում, Հրազդանում, Վայքում, Գավառում։
![](http://ardi.am/wp-content/uploads/2022/05/282185187_385026996730889_2781945291440537413_n-1024x1024.jpg)
«Կայարան» թատրոնի տնօրենը և պրոդյուսերը Արթուր Պետրոսյանն է, կազմակերպչական և կոորդինատորական գծով փոխտնօրենը՝ Անդի Սողոմոնյանը։
Ardi.am
No Comments