Ազդագիր

«Պողիկտոսը» վերադառնում է

11.07.2022

Ալեքսանդր Սպենդիարյանի անվան օպերայի և բալետի ազգային ակադեմիական թատրոնում հուլիսի 14-ին, ժամը 19:00-ին, կներկայացվի «Պողիկտոս» երեք գործողությամբ օպերան։

Ուշագրավ է, որ օպերայի պարտիտուրան Հայաստան է բերվել Վատիկանի գրադարանից, Վազգեն Առաջին Ամենայն Հայոց Կաթողիկոսի և Հռոմի պապի բանակցությունների շնորհիվ։ 

Իտալացի կոմպոզիտոր Գաետանո Դոնիցետիի երեք գործողությամբ այս օպերայի սյուժեի հիմքում ընկած է 3-րդ դարում Մելիտենե, ներկայիս Մալաթիա քաղաքում ապրած ազգությամբ հայ ազնվական Պողիկտոսի կյանքի ողբերգական պատմությունը՝ մինչև նրա մարտիրոսական մահը՝ քրիստոնեություն ընդունելու պատճառով: Թեմատիկորեն Հայաստանի պատմությանն առնչվող այս սյուժեն էլ ավելի է արժևորում Դոնիցետիի գլուխգործոցներից մեկը։


Վերոնշյալին գումարվում է հայ օպերային երգարվեստի մի աստղաբույլ՝ ՀՀ վաստավոր արտիստներ՝ Անահիտ Մխիթարյան, Պերճ Քարազյան, Առնոլդ Քոչարյան, ինչպես նաև Հայկ Տիգրանյան, Տիգրան Օհանյան, Արմեն Բադալյան, Արմեն Գրիգորյան։

Երաժշտական ղեկավար՝ ՀՀ ժող. արտիստ Կարեն Դուրգարյան, բեմադրող ռեժիսոր՝ ՀՀ ժող. արտիստ Տիգրան Լևոնյան, պարերի բեմադրությունը` ՀՀ ժող. արտիստ Վիլեն Գալստյանի։ Նկարիչ՝ Եվգենի Սաֆրոնով։ Դիրիժոր՝ Հարություն Արզումանյան։


No Comments

Leave a Reply