ԳԱԹ մասնաճյուղ Դերենիկ Դեմիրճյանի տուն-թանգարանը հերոսաբար մեր հողը պաշտպանող քաջերին աջակցելու նպատակով վաճառքի է հանել իր տրամադրության տակ եղած գրքերը, որոնք նախատեսված էին տուն-թանգարանի դաս-վիկտորինաների լավագույն մասնակիցներին իբրև պարգև հանձնելու համար:
Բոլոր գրքերի համար սահմանվել է մեկ ընդհանուր խորհրդանշական գին՝ 1000 ՀՀ դրամ. սա այն գումարն է, որն ամեն ամիս յուրաքանչյուրս տարիներ շարունակ փոխանցել է մեր բանակի ֆոնդին կամ փոխանցում է հիմա՝ 8000 համարին հաղորդագրություն ուղարկելով:
Դերենիկ Դեմիրճյանի տուն-թանգարանի բարեկամներին և պարզապես բոլոր հայերին խնդրում ենք ակտիվորեն ներգրավվել մեր նախաձեռնության մեջ և սեփական լուման ունենալ հայ զինվորին աջակցելու հարցում՝ նաև այս խողովակով:
Ի թիվս այլևայլ գրքերի՝ վաճառքի են հանված նաև Դերենիկ Դեմիրճյանի՝ վերջին տարիներին հայտնաբերված և հրատարակված «Դատողությունների Ղարաբաղի և Նախիջևանի հարցի շուրջ» խոհագրության եզակի օրինակները: Այս նյութին ծանոթանալով՝ առավել խորությամբ կհասկանաք, թե որտեղ է թաղված մեզ տասնամյակներ շարունակ հանգիստ չտվող չարիքի արմատը, որն այսօր էլ, ցավոք, խլում է մեզանից շատ թանկ կյանքեր:
Կարինե Ռաֆայելյան
Դերենիկ Դեմիրճյանի տուն-թանգարանի վարիչ
No Comments