«Զանգակ» հրատարակչություն․ նոր գրքեր

Աշխարհահռչակ «Դա Վինչիի ծածկագիրը», «Ինֆեռնո» գրքերի հեղինակ Դեն Բրաունի հերթական սիրված ու սպասված «Հրեշտակներ և Դևեր» գիրքը շուտով կլինի ընթերցողի սեղաններին։ Թարգմանությունն Արամ Արսենյանինն է։

Գրքի շնորհանդեսը կկազմակերպվի #ԿարդաLove գրքի փառատոնի շրջանակում՝ փետրվարի 18-ին, ժամը 16:00-ին, «Էլիտ Պլազա» բիզնես կենտրոնում (Խորենացի 15)։ Մուտքն ազատ է:

Դեն Բրաունի վիպաշարի հերոս Ռոբըրթ Լանգդընը նորից առաքելություն ունի։ Այս անգամ վտանգված է պապի պաշտոնական նստավայր Վատիկան քաղաքը, որը սպառնում են վերացնել սպանված գիտնականի ստեղծած հականյութով։ Որպես խորհրդանշանագիտության գիտակ՝ նա բացահայտելու է «Լուսա­վորյալների եղբայրության»՝ դարեր շարունակ մոռացության մատնված գաղտնիքը։ Հականյութը գտնելու փորձություններով լի այս ճանապարհին նրան կօգնի գիտնականի դուստր Վիտորիա Վետրան։

****

Էրվին Շրյոդինգերի «Ի՞նչ է կյանքը» հայտնի գրքի հիմքում ընկած են մի շարք հանրային դասախոսություններ, որոնք աշխարհահռչակ ֆիզիկոսը կարդացել է տարբեր  տարիների և ինքնակենսագրական ակնարկ, որն ավելի տեսանելի է դարձնում Նոբելյան մրցանակակրի անցած ճանապարհն ու ձեռքբերումները։

«Կենդանի բջջի ֆիզիկական կողմը» բաժնում տեսական ֆիզիկայի դրույթներից ելնելով՝ Շրյոդինգերը դիտարկում է կյանքի տարբեր երևույթների նկատմամբ ֆիզիկական մոտեցմանը, միկրոաշխարհից մակրոաշխարհի անցմանը, օրգանիզմի բազմատոմությանը, ժառանգականությանը և մուտացիաներին վերաբերող կարևորագույն հարցերը՝ կանխագուշակելով ժառանգական մոլեկուլի բնույթը և ըստ էության կանխորոշելով ԴՆԹ–ի հայտնագործությունը հետագայում։ 

«Միտք և նյութ» բաժնում հայտնի գիտնականը քննում է գիտակցությանը վերաբերող զանազան հարցեր՝ արդյոք մե՞կ են նյութն ու միտքը, օբյեկտն ու սուբյեկտը, ներքին և արտաքին աշխարհները՝ փորձելով պարզել, թե գիտակցությունն ինչ դեր ունի էվոլյուցիայում, որն է բարոյականության հիմքը, և ինչ ուղղությամբ է ընթանալու մարդու հետագա կենսաբանական զարգացումը։ 
Գիրքը թարգմանել է Վազգեն Ղազարյանը։

****

Լույս է տեսել Անդրեա դը լա Բար Նանտոյի «Գիրք մադմուազել Ուազոյի մասին» գիրքը։

Դպրոցական աղջկա գորշ առօրյայում հայտնվում է բոլորովին անսովոր մի կերպար՝ հարևանուհի Մադմուազել Ուազոն։ Նրա բազմաթիվ թռչուններն ու կատուները և զարմանալի իրերով լի անհամար սենյակները գլխապտույտ են առաջացնում։ Փարիզը լցվում է արկածներով, երբ հերոսուհու ձեռքին հայտնվում է քաղաքի քարտեզը՝ հատուկ հրահանգներով։

Այս հիասքանչ պատմության մեջ Մադմուազել Ուազոն օգնում է փոքրիկ Իզաբելին հաղթահարել իր ամաչկոտությունը, երկչոտությունը, աննկատելի աղջնակ լինելու փաստը, ով բոլորի կողմից անտեսվում էր: Նա վերածվում է ինքնավստահ և խիզախ երիտասարդ աղջկա: Սա պատմություն է այն մասին, որ ուրախությունը թաքնված է  մանրուքների մեջ, դրանք միայն պետք է տեսնել, և ոչ մի դեպքում  չհրաժարվել  ներքին մանուկից, ինչ տարիքի էլ որ լինես, և որ ստեղծագործ երևակայությունն ընդունակ է հեղաշրջումների։
Թարգմանությունն Աշխեն Բախչինյանին է։ Գիրքն առկա է գրախանութներում։

****

Ամերիկացի ճանաչված գրող Էլվին Բրուքս Ուայթի «Շարլոթի սարդոս տայնը» վիպակը ամերիկյան մանկական գրականության ամենասիրված ու հանրաճանաչ ստեղծագործություններից է։ Այն առաջին անգամ հրա տարակվել է 1952 թվականին։ Գիրքը պատմում է Զաքերմանների ընտանիքին պատկանող անասնա գոմում կողք կողքի ապրող կենդանիների մասին։ Գրքի հասցեատերը և՛ մանուկներն են, և՛ ավագ ընթերցողները։

Իսկ դուք ծանո՞թ եք Շարլոթ անունով սարդի ու նրա ընկերների բարի ու հուզիչ պատմությանը։ Նրանք ապրում են  Զաքերմանների ընտանիքին պատկանող անասնագոմում։ Իսկ թե ի՜ նչ հրաշքներ է պատահումնրանց հետ և ի՜ նչ հզոր ուժ կարող են ունենալ անձնուրաց սերն ու նվիրումը, բարությունն ու ընկերասիրությունը կիմանաք, եթե բացեք գիրքը։ 

 Ամերիկացի ճանաչված գրող Էլվին Բրուքս Ուայթի «Շարլոթի սարդոստայնը» վիպակը ամերիկյան մանկական գրականության ամենասիրված ու հանրաճանաչ ստեղծագործություններից է։ Այն թարգմանվել է 23 լեզվով, գրքի սցենարով նկարահանվել են  անիմացիոն ֆիլմ։ Թարգմանել է Կարինե Դանիելյանը։

Հավելենք, որ Էլվին Բրուքս Ուայթի «Շարլոթի սարդոստայնը» գրքի շնորհանդեսը տեղի կունենա #ԿարդաLove գրքի փառատոնի ընթացքում, «Էլիտ Պլազա» բիզնես կենտրոնում՝ փետրվարի 18-ին, ժամը 13:00-ին։ Մուտքն ազատ է:

Ardi.am