Միջազգային գիտաժողով. «Բնագիտական թանգարանները՝որպես գեոտուրիզմի զարգացման գործոն»

ՀՀ Գիտությունների ազգային ակադեմիան, Երկրաբանական գիտությունների ինստիտուտը, Հ.Կարապետյանի անվան Երկրաբանական թանգարանը կազմակերպում են «Բնագիտական թանգարանները` որպես գեոտուրիզմի  զարգացման գործոն» խորագրով միջազգային գիտաժողով, որը կկայանա հոկտեմբերի 15-19-ը: 

Գիտաժողովը նվիրված է ՀՀ ԳԱԱ ԵԳԻ Հովհաննես Տիգրանի Կարապետյանի անվան երկրաբանական թանգարանի 80-ամյակին:  

 Հ. Տ. Կարապետյանի անվան երկրաբանական թանգարանը ստեղծվել է 1939թ.՝ ԽՍՀՄ Գիտությունների Ակադեմիայի հայկական մասնաճյուղի երկրաբանական գիտությունների ինստիտուտին կից՝ երախտավոր երկրաբան, գիտության վաստակավոր գործիչ, պրոֆեսոր Հովհաննես Տիգրանի Կարապետյանի հարուստ և բազմաբնույթ հավաքածուների ցուցադրման հիման վրա: Ցուցադրության կազմակերպումը պայմանավորված էր Մոսկվայում կայացած Միջազգային 17-րդ երկրաբանական կոնգրեսի մասնակից մոտ 50 աշխարհահռչակ բնագետ-երկրաբաններին Հայաստանի երկրաբանությանը ծանոթանալու ցանկությամբ:

Գիտաժողովի նպատակն է համախմբել բնագիտական թանգարանների ներուժը՝ նպաստելու համար Հայաստանի Հանրապետությունում թանգարանների և տուրիզմի  մի նոր ճյուղի՝ գեոտուրիզմի կայուն զարգացմանը, գեոպարկերի ստեղծմանը և էկոկրթության հզորացմանը:

Գիտաժողովի օրակարգում ներառված են հետևայլ թեմաներն ու ենթաթեմաները.

1. Երկրաբանության պատմությունը Հայաստանում

Ենթաթեմաներ

 Հայտնի բնագետների կյանքն ու գործունեությունը

Բնապատմական թանգարանների պատմությունը

Լավագույն փորձերը և թեմատիկ հետազոտությունները բնապատմական թանգարաններում

2. Բնապատմական թանգարանները և արդի հիմնահարցերը

Ենթաթեմաներ

Գիտական զբոսաշրջության քաղաքականությունն ու ռազմավարությունը և բնապատմական թանգարանները. ինչպե՞ս են բնապատմական թանգարանները խթանում տնտեսական զարգացումը և ներդրումները՝ հանդես գալով որպես զբոսաշրջային վայրեր

Բնապատմական թանգարանները և դրանց զբոսաշրջային ծառայությունները

Բնապատմական թանգարանների, հատուկ պահպանվող տարածքների, տուր-օպերատորների և տուրիստական գործակալությունների միջև համագործակցությունը և զարգացման հեռանկարները

Բնապատմական թանգարանները՝ որպես էկոկրթության կենտրոններ

Էկոթանգարանը՝ որպես միջավայրային թանգարանի մոդել և բնության պահպանման խնդիրը՝ դրա գործունեության շրջանակներում

3. Երկրաբանությունը հասարակության համար

Ենթաթեմաներ

Երկրաբանական եզակի հուշարձանների պահպանությունը և օգտագործման բնագավառները

Երկրաբանական ուսումնասիրությունները և դրանց հիման վրա գիտական փառատոների կազմակերպումը

Գեոտուրիզմ, էկոտուրիզմ

Գիտաժողովի ժամանակացույց

14 հոկտեմբերի — Ժամանում Հայաստան (արտերկրի մասնակիցներ)

15 հոկտեմբերի — Գիտաժողովի բացում, էքսկուրսիա Հ. Տ. Կարապետյանի անվան երկրաբանական թանգարանում, գիտաժողովյան ընթրիք

 16 հոկտեմբերի — Գիտաժողովի շարունակություն, շրջայց Երևան քաղաքում

 17 հոկտեմբերի — Գիտաժողովյան էքսկուրսիաներ, գեոտուրիզմ (workshop)

18 հոկտեբերի — Գիտաժողովյան էքսկուրսիաներ, գեոտուրիզմ (workshop)

Գիտաժողովի 2-րդ մասը կընդգրկի եռօրյա Էքսկուրսիաներ դեպի Բնության եզակի երկրաբանական հոշարձաները, օգտակար հանածոների հանքավայրերը, Սևան ազգային պարկերը, պետական արգելոցները: Էքսկուրսիաները կարևոր գիտաուսումնական նպատակ են հետապնդում՝ միժամանակ ծանոթանացնելով պատմամշակույթային հուշարձաններին և ազգագրությանը։

ԳԻՏԱԺՈՂՈՎՅԱՆ ԷՔՍԿՈՒՐՍԻԱՆԵՐ, ԳԵՈՏՈՒՐԻԶՄ /WORKSHOP/

17 հոկտեմբերի 

1.Սևանա լիճ, Սևան ազգային պարկ, Սևանավանք (մ.թ. 4-րդ դար)

 2. Ջրաբերի պեռլիտ-օբսիդիանի հանքավայր

18 հոկտեմբերի 

1.  Խոր Վիրապի վանք (մ.թ. 7- 17-րդ դդ.)

2. «Խոր Վիրապ» պետական արգելոց

3. Արենի, «Թռչունների քարայր» (մ.թ.ա. 5-6-րդ հազարամյակ)

4. Գնիշիկի պահպանվող լանդշաֆտ

5. Արենի գինու գործարան

ՀԵՏԳԻՏԱԺՈՂՈՎՅԱՆ ԷՔՍԿՈՒՐՍԻԱՆԵՐ՝ ՕՏԱՐԵՐԿՐԱՑԻ ՀՅՈՒՐԵՐԻ ՀԱՄԱՐ

19 հոկտեմբերի 

1. Մատենադարան               

2. Գառնու  հեթանոսական տաճար  (մ.թ. 1-ին դար)  և Գառնի կիրճ, «Քարե սիմֆոնիա» երկրաբանական հուշարձան

3. Գեղարդավանք (մ.թ. 4-13-րդ դդ.)

4. Ագարակի հնավայր

5․Հրաբխային տուֆերի հանքավայր

6. Վերելք Արտենի հրաբխային լեռ, օբսիդիանի հանքավայր

7. Դաշտադեմ` Քաղենիի ամրոց

ardi.am