Այսքան մոտ ու այսքան հեռու․․․ Աբովյան քաղաքի մասին

By ardi
4 Հունվարի, 2023

Մի քանի ժամով մայրաքաղաքային աղմուկից կտրվելու ու մաքուր օդ շնչելու համար պուրակներով հարուստ Աբովյանը լավագույն տարբերակը կարող է լինել: Երեւանից 10 կմ հեռավորության վրա գտնվող Աբովյանը, թեեւ երիտասարդ քաղաք է, սակայն ունի խորը արմատներ: Այն առաջացել է Էլար թաղամասից, որը հնագույն բնակավայր է: Էլար անվանումը, ըստ տեղացիների, առաջացել է այն բանից հետո, երբ Արա Գեղեցիկն ընկել է մարտում, ու Շամիրամը, բղավելով, կանչել է. «Ել Արա»: