Համացանցում մեկնարկել է «Բորխեսը ակտուալ է» նախագիծը, որի նպատակն է արգենտինացի նշանավոր գրող Խորխե Լուիս Բորխեսի բանաստեղծությունների երկլեզու ժողովածուն (իսպաներեն-հայերեն) ընթերցողին հասցնելը։
Ժողովածուն լույս է ընծայելու «Ակտուալ արվեստ» հրատարակչությունը՝ Հասմիկ Ամիրաղյանի և Սամվել Թավադյանի թարգմանությամբ։
«Ժողովածուում տեղ են գտնելու բանաստեղծություններ՝ Բորխեսի գրեթե բոլոր բանաստեղծական գրքերից։ Երկլեզու տարբերակը կծառայի նաև կրթական նպատակին՝ զուգահեռաբար հասանելի բնագրի և թարգմանության միջոցով նպաստելով լեզուների համեմատական ուսումնասիրությանը և յուրացմանը»,- ընդգծում են նախագծի հեղինակները։
Գիրքը կրելու է բորխեսյան ստեղծագործություններից մեկի վերնագիրը՝ «Ներկայի կարոտը»։
Նախագծին միանալ և արդյունքներին հետևել կարող եք այս հղումով։
Ardi.am