Թեքեյան կենտրոնում ապրիլի 11-ին, ժամը 16։00-ին, կբացվի Վիկտոր Դանիլովի լուսանկարչական աշխատանքների ցուցահանդեսը։ Լուսանկարչության սիրահարները կարող են տեսնել դրվագներ Նյու Յորքից և այլ քաղաքներից։
Ինչպես ասում են՝ Վիկտոր Դանիլովը աշխարհին լույս և բարություն է բերում։ Նա նկարիչ է, լուսանկարիչ, երաժիշտ, գերազանց կազմակերպիչ, ով ունակ է իր կողքին հավաքել շնորհալի մարդկանց: Ծնվել է Թբիլիսիում: Ելույթ է ունեցել Վրաստանի պետական սիմֆոնիկ նվագախմբում, զբաղվել է լուսանկարչությամբ։ 20-րդ դարի վերջին տեղափոխվել է բնակության ԱՄՆ՝ Նյու-Յորք։ Ունեցել է մեծ թվով ցուցահանդեսներ, արժանացել մրցանակների, պատվոգրերի, շնորհակալագրերի։
Վիկտոր Դանիլովը 2007-ին հիմնել է լուսանկարիչների PhotoPodium.com միջազգային ինտերնետային կայքը։ PhotoPodium.com-ը համատեղում և բացահայտում է պրոֆեսիոնալ և սիրողական լուսանկարիչներին։ Ոչ միայն թվային աշխարհում։ Աշխարհի տարբեր երկրներում, այդ թվում՝ Հայաստանում բազմաթիվ լուսանկարչական ցուցահանդեսներ կյանքի են կոչվում հենց այս հարթակի շնորհիվ։
ardi.am
No Comments