Հարուն Ֆարոկիի ֆիլմերի ռետրոսպեկտիվը՝ Երևանում

Դեկտեմբերի 1-9-ը Կինոգետ Անդրեյ Կարտաշովը, «Ֆիլմադարան» կինոմշակույթի զարգացման ՀԿ-ն և Երևանի «Գյոթե» կենտրոնը Հայաստանի ազգային գրադարանի Մեծ դահլիճում (Երևան, Տերյան 72) ներկայացնում են անվանի գերմանական ռեժիսոր Հարուն Ֆարոկիի ռետրոսպեկտիվ ծրագիրը, որի ցուցադրությունները տեղի կունենան դեկտեմբերի 1-ին, 2-ին, 8-ին ու 9-ին՝ ժամը 19։00-ին։ Բոլոր ֆիլմերը ցուցադրվում են բնօրինակ լեզուներով՝ հայերեն և անգլերեն ենթագրերով։ Մուտքն ազատ է։

Ո՞վ էր Հարուն Ֆարոկին․․․

• 1960-1970-ականներին ձևավորված գերմանական նոր կինոալիքի՝ Վիմ Վենդերս, Վերներ Հերցոգ, Ռայներ Վերներ Ֆասբինդեր և ուրիշները, յուրատիպ ու վառ դեմքերից մեկը․․․
• ռեժիսոր, ով Քրիս Մարկերի և այլոց հետ զուգահեռ կատարելագործեց վավերագրական կինոէսսեի ժանրը՝ մշտապես ձեռքը պահելով աշխարհի զարկերակին․․․
• մարդ, ով շուրջ 45-ամյա գործունեության ընթացքում ստեղծել է մոտ 90 կարճամետրաժ ու լիամետրաժ վավերագրական ֆիլմ՝ տարբեր աղբյուրներից հավաքված կադրերը միակցելով մեկ ամբողջական ստեղծագործության մեջ․․․
• Ֆարոկիի մահից հետո նրա ժառանգությունն ընդունել են մի շարք երիտասարդ կինոգործիչներ, այդ իսկ պատճառով՝ Ֆարոկիի ռետրոսպեկտիվ այս ծրագրում ընդգրկված 4 ֆիլմերը կզուգակցվեն նրա ազդեցության ներքո ստեղծված 2 ժամանակակից կարճամետրաժ ֆիլմերով։