Վանաձորի Հովհաննես Աբելյանի անվան պետական դրամատիկական թատրոնում առաջանախաղ է, որը տեղի է ունենալու Վանաձորի Կառլոս Աբովյանի անվան կերպարվեստի թանգարանում։ Հանդիսատեսի դատին կներկայացվի «Մեկ գավաթ էնդորֆին» կատակերգությունը՝ ըստ Հերբերտ Բերգերի (18+): Բեմադրությունը` Ժիրայր Գաբրիելյանի: Երաժշտական ձևավորումը` Հրանտ Վարդումյանի: Պարերը` Արման Սաքանյանի: Դերերում` Արման Սաքանյան, Մարիամ Ղևոնդյան, Էդգար Քոչարյան, Նոնա Սաֆարյան, Էդգար Բարսեղյան:
Հովանավոր` Կողբի գինիների գործարան՝ «Կանաչ գյուղ» ընկերություն (ղեկավար՝ գինեգործ Գագիկ Աղաբաբյան)։
Նախատեսվում է նաև շրջայց պատկերասրահում, գինու հյուրասիրություն, գինու համտեսի վարպետաց դաս և Կողբի բնաշխարհի գեղարվեստական գործերի ցուցադրություն։
![](http://ardi.am/wp-content/uploads/2024/07/11c9ea82-8d7b-4cb4-bdd3-ef099f1f0848-1-1024x682.jpg)
![](http://ardi.am/wp-content/uploads/2024/07/4564dc1c-3aab-4fd7-a6c6-a25d90387ba2-1024x682.jpg)
![](http://ardi.am/wp-content/uploads/2024/07/fe464d12-a6b6-4a5f-b8eb-2787e9c14ad7-1024x682.jpg)
![](http://ardi.am/wp-content/uploads/2024/07/0163b961-e5dd-4787-818c-735af6329d1b-1024x682.jpg)
«Ներկայացումը որոշեցինք խաղալ պատկերասրահում մի քանի պատճառով։ Ամռան ամիսներին դժվար է փակ դահլիճում ներկայացում նայելը, բացի այդ՝ հանդիսատեսին հետաքրքրում են նոր ու անսպասելի մոտեցումները։ Եվ, ի վերջո, պատկերասրահում այցելուները նաև գեղանկարներ նայելու հնարավորություն կունենան՝ զգալով իրենց բոհեմական միջավայրում»,- ardi.am-ի հետ զրույցում ասաց Վանաձորի դրամատիկական թատրոնի հանրային կապերի պատասխանատու Գոռ Փելեշյանը։
![](http://ardi.am/wp-content/uploads/2024/07/dee60c5e-2d2c-4d7d-8985-197aaad845e0-695x1024.jpg)
Ardi.am